Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń málimetinshe, Ústirt memlekettik tabıǵı qoryǵy ǵylym, aqparat jáne monıtorıng bóliminiń aǵa ǵylymı qyzmetkeri A.Pýlatov ǵylymı-zertteý jumystary barysynda Qyzyl kitapqa engen «Maıda qatyran» ósimdigin kezdestirdi.
- Maıda qatyran – sırek kezdesetin, taralýy shekteýli túr. Turan provınsııasynyń endemıgi, relıkt túr. Bul ósimdik tuqym arqyly kóbeıedi. Sáýir-mamyr aılarynda gúldep, mamyr-maýsymda jemis beredi, - delingen málimette.
Bul ósimdiktiń tirkelýi botanıka ǵylymy úshin mańyzdy jańalyq jáne Ústirt óńiriniń qaıtalanbas ekojúıesin saqtaý qajettiligin kórsetedi. Qoryq mamandary ósimdiktiń taralý aımaǵyn zertteýdi ári qaraı jalǵastyrady.
