Eýropa Keńesiniń Bas hatshysymen kezdesti

Kezdesýde Máýlen Áshimbaev Eýropa Keńesi búkil álemde adam quqyqtaryn, demokratııa jáne zań ústemdigin qamtamasyz etý jolynda mańyzdy ról atqaryp otyr­ǵanyn atap ótti. Sondaı-aq palata spıkeri Qazaqstan Parlamenti men EKPA arasynda yntymaqtastyq ornaǵaly beri ótken 20 jylda kóptegen baǵyt boıynsha tyǵyz jáne tıimdi ózara is-qımyl jolǵa qoıylǵanyn tilge tıek etti.

Suhbat kezinde taraptar demokratııalyq jańǵyrý jáne Ádiletti Qazaqstan qalyptastyrý barysynda Qazaqstan men Eýropa Keńesiniń birlesken jumysyndaǵy ózekti máselelerdi de talqylady. Máýlen Áshimbaev Memleket basshysynyń bastamasymen iske asyrylyp jatqan reformalardyń mańyzyna jáne palatanyń olardy zańnamalyq turǵydan qamtamasyz etý jolyndaǵy qyzmetine toqtal­dy. Bul rette eldiń saıası jú­ıe­sin demokratııalandyrý jáne adam quqyqtaryn qorǵaý, gender­lik teńdik júıesin nyǵaıtý, otba­syn­d­aǵy zorlyq-zombylyqqa qarsy kúres, bılik tarmaqtary arasyn­daǵy, sondaı-aq ortalyq pen óńir­ler arasyndaǵy ókilettikter men ja­ýap­ker­shiliktiń tepe-teńdigin qam­­ta­masyz etý baǵyttarynda júr­gi­zilip jatqan jumystar keńinen sóz boldy.

«Qazaqstan Prezıdenti Qasym-Jomart Toqaevtyń bastamasymen Ádiletti Qazaqstan qurý tujyrymdamasyn iske asyrý aıasynda aýqymdy jáne jan-jaqty reformalar júrgizilip jatyr. Olardyń maqsaty – zań ústemdigin nyǵaıtý, adam quqyqtaryn qorǵaý, bılik tarmaqtary arasynda ókilettikterdiń teńgerimdi bólinýin qamtamasyz etý jáne ortalyq pen aımaqtyq bılik organdary arasyndaǵy úılestirýdi kúsheıtý. 2022 jyly sýperprezıdenttik júıeden kúshti Parlamenti men esep beretin Úkimeti bar prezıdenttik respýblıkaǵa kóshýge arnalǵan konstıtýsııalyq túzetýler qabyldandy. Ony qazaqstandyqtar jalpyulttyq referendýmda qoldady. Osy saıası jáne ekonomıkalyq reformalardyń iske asyrylýyn zańnamalyq turǵydan qamtamasyz etý Parlament qyzmetiniń negizgi basymdyǵy ekenin atap ótken jón», dedi Senat tóraǵasy.

Sonymen qatar kezdesýde qazirgi syn-qaterler jaǵdaıynda rýhanı dıplomatııany ilgeriletýdiń mańyzyna basa mán berildi. Osyǵan baılanysty Eýropa Keńesiniń Bas hatshysyna bıyl qyrkúıekte ótetin Álemdik jáne dástúrli dinder kóshbasshylarynyń

VIII sezine daıyndyq barysy jáne bul baǵyttaǵy basqa da jobalar týraly málimetter berildi.

О́z kezeginde Alen Berse Qazaqstannyń Eýropa Keńesimen yntymaqtastyǵyn odan ári nyǵaıtýǵa jáne mańyzdy bastamalardy birlesip iske asyrýǵa múddeli ekenin jetkizdi.