Ardager munaıshy Kórkembaı Aldanııazov bul salanyń qyr-syryn bes saýsaǵyndaı biledi. Budan birneshe jyl buryn Fort-Shevchenko qalasynan Aqtaýǵa qonys aýdarǵan soń, oblys ortalyǵyndaǵy arnaýly orta jáne joǵary oqý oryndarynda stýdentterge munaı taqyryby boıynsha dárister oqydy. Salany tereń bilgendikten, ol 100-ge jýyq ǵylymı maqalanyń avtory atandy, sondaı-aq, onyń eńbekteri aımaqtaǵy munaıshy mamandyǵyna oqytatyn oqý oryndarynda paıdalanylyp keledi.
K.Aldanııazov óndiristegi shyǵyndardy azaıtý máselesi boıynsha 10 jylǵa jýyq izdenip, daıyndalǵan eńbegin Máskeýde sátti qorǵap shyqty. Reseılik ǵalymdar qazaq qartynyń eńbegin joǵary baǵalap, tańdanystaryn jasyrmaǵan. Al 80 jasqa taıap qalǵan, 3 baladan 8 nemere, 2 shóbere súıip otyrǵan qarııanyń endigi maqsaty – eńbekterin qazaq tiline aýdartý.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy