Áınekteri áıbat-aq!

Oral óńirindegi irgeli óndiris oshaqtarynyń biri – shyny óńdeýge jáne joǵary sapaly áınek paketterin óndirýge mamandanǵan «Steklo-Servıs» JShS. Búginde kompanııa údemeli ındýstrııalyq-ınnovasııalyq baǵdarlama sheń­berinde «Termomyqtylyǵy kúsheı­tilgen áınek óndirisi» joba­syn iske asyrý ústinde. Onyń bas ıeleri aǵaıyndy ári ákeli-balaly – Rýbsovtar bıznes joly­na birden túspepti. Alǵa­shyn­da qurqyltaıdyń uıasyn­daı shaǵyn ǵana sheberhana ashyp, tur­ǵyn­darǵa shyny kesý qyz­metin kór­setýdi qolǵa alypty. Bas­tap­qyda áınekti arnaıy qu­ral ar­­qyly ózderi kesken eken. Sóı­tip, tutynýshylar senimine ıe bo­la bastaǵannan keıin shaǵyn kásip­­ker­­lik quryp, óz dúkenderin ashady. Ýaqyt ótken saıyn sheberhana jumysy jandana túsedi. Keıinnen munda shyny óńdeý jumystary jetil­dirilgen soń zańdy túrde serik­testik quryldy. Osy kezden bas­tap shahardaǵy ǵımarattardyń qas­betin áınekteý jumystary jolǵa qoıyldy. Osylaısha alıýmı­nıı­men árlengen, metall men shyny úılesim tapqan áınekteý úl­gi­si qala kelbetine kórik qosa bastady. 2011 jyldan beri kompanııa «Bız­nes­tiń jol kartasy-2020» baǵ­d­ar­lamasy aıasynda qarjylaı kómek túrindegi nesıe alyp tap­syrys berýshilerdiń talaptary bo­ıyn­­sha terezeler men úı jıhaz­dary shynylary men ystyq pen sýyqty ótkizbeıtin áınekterdi daıyndaýmen aınalysyp keledi. Reseıden ákelingen shıkizat kózin óńdeıtin stanoktar men qurylǵylar shynylardy sharshy, pıramıda pishinde qıyp, qajettilikke saı zamanaýı tehnologııamen óńdeıdi. Negizinen ónerkásiptiń keń qanat jaıǵan kezi 2007 jyldan bastalypty. Memleketimizde belgilengen óner­kásipti damytý jónindegi baǵ­dar­­lamalar arqasynda kásiporyn­nyń órisi keńeıe tústi. 2011 jyly bankpen kelisimshart jasal­ǵan. So­ǵan sáıkes qarajattyń 15 pa­ıyzy seriktestik jetekshileriniń óz­deri­nen shyqsa, qalǵany sýb­sıdııa­laý boıynsha «Bıznes­tiń jol kar­ta­sy-2020» baǵdar­la­ma­synan alynǵan. Qazirgi tańda shyny paket­terin da­ıyn­daýmen aınalysatyn «Steklo-servıs» JShS ter­mo­­ótim­­­­diligi nyǵaıtylǵan shy­ny, kóp qa­­batty shyny buıym­da­ryn óndirý jobasyn tolyqtaı is­ke asyr­dy. О́ndiris bes jyldan beri álemdik brendke aı­nal­ǵan avs­­­­trııalyq «Lisec» kom­pa­nııa­­­sy­nyń jabdyǵy­men jumys isteý­de. Sondaı-aq, shy­­ny­nyń myq­­ty­­lyǵyn nyǵaıtý fınlıandııalyq «TamGlass» kom­panııasynyń jeli­­si­­men júrgizilýde. Bi­lik­­ti basshy, «Steklo-servıs» JShS-niń bas dırektory Arkadıı Rýbsov­tyń aıtýynsha, mundaǵy shyny óni­m­deri qarapaıym áı­nek­terden jeti ese myqty. Sondyqtan, jer­gi­­li­k­ti óner­kásip ónimine kórshi­les Re­seıdiń Samara, Saratov, Oryn­bor, Volgograd, Ekate­rın­býrg qa­la­­­­la­ry­nan da suranystar túse bastapty. «Munda áınek óńdeý isin odan ári damytý maqsatynda shynyny boıaý óndirisi jolǵa qoıylǵan. Trafarettik baspa jáne destelep boıaý jelisi de ornatylǵan. So­nyń nátıjesinde myqty jáne kóp­qa­batty qaýipsiz áınek túr­lerine asqan sheberlikpen boıaýy ketpeıtin sýretterdi salýǵa múm­kin­digi týyp otyr. Ondaı sýretter qorshaǵan ortanyń áserine shy­damdy bolyp keledi», – deıdi kásiporyn basshysy. Sondaı-aq, kompanııa áınekti lazermen kesý óndirisin de qosa ıgergen. Mundaı tehnologııa­ny álemdegi áınek óndi­rý­shi iri kom­pa­nııa­lardyń bári de qoldanatyny belgili. So­ny­­men qatar, bıylǵy jyly «Steklo-Servıs» JShS-nde avtokólikterge arnalǵan áı­­­nek óndiretin jeli jobasy da paı­­da­­lanýǵa berilmek. Qazir­gi ýa­qyt­­ta eli­mizdiń túkpir-túk­pirin­­­de kom­pa­nııanyń óz fılıal­da­ry ju­mys isteıdi. О́ıtkeni, óndi­ris­tiń aýqym­dylyǵy jaǵynan As­tana men Almaty qalalarynan bas­qa eli­miz­diń ózge óńirlerinde oral­d­yq ká­siporynǵa balama bo­lar­lyq­taı óndiris orny joq dese de bolady. Údemeli ındýstrııalyq-ın­­no­­vasııalyq baǵdarlama aıa­syn­da kásiporynnyń ón­diris­tiń kók­jıegi jyl­dan-jyl­ǵa keńip keledi. Sonyń arqasynda qo­symsha jańa jumys oryn­dary ashylýda. Qazir­gi tańda óner­kásipte 100-den asa ju­mysshy turaqty túr­de qyz­met atqaryp júr. Negizinen mun­da jas mamandar úlesi basym túse­di. Olar­dy aımaqta arna­ıy kási­­bı mamandandyrýǵa múm­kin­dik bolma­ǵ­an­dyqtan, kásip­tiń qyr-syryna kásiporyn bas­shy­lary­nyń ózderi baýlyp, úıretedi. Biz barǵan sátte óndiris sehyn­da jumys qyzý júrip jatty. Qaı­na­ǵan jumystyń bel ortasyn­da júrgen jigit Azamat Nurymov mun­da úsh jyldan beri operator bo­lyp qyzmet atqarady eken. «Ju­mysym ózime unaıdy. Kún­de­likti tańǵy saǵat segizden bastap, keshki saǵat altyǵa deıin jumys isteımin. Jalaqym 90-100 myń teńge», – deıdi ol. Al buǵan deıin «eki qolǵa bir kúrek» tappaı biraz sendelgen eki balanyń ákesi Erlan Imanbekovtiń munda operator bolyp jumysqa ornalasqanyna da kóp ýaqyt óte qoımapty. Ot­ba­synyń nápaqasyn óziniń adal eńbegi jáne mańdaı terimen tabýdy maqsat etken azamat qara terge mal­shynyp shyny salatyn ramka jasap jatty. Sehtyń bir buryshynda áı­nek­­­terdi arnaıy qoraptarǵa qap­­­­­taý­men aınalysatyn Oleg Shegolev­tiń munda kelgenine eki jyl­dan asypty. Jalaqysyn kún­delikti istegen jumysynyń aýqy­myna qaraı aıyna 100-130 myń teń­geni quraıtyn kórinedi. Isker maman kompanııanyń jumys berý­shige tala­by qandaı bolsa, ju­mys is­teýge de sonshalyqty qajet­ti jaǵ­daı týǵyzylyp otyr­ǵa­nyn aı­typ berdi. «Negizgi maman­dy­ǵym dáne­kerleýshi. Biraq, qazir­gi ju­my­syma da kóńilim tolady. О́n­di­­ris­tik ǵımarat qysta jy­ly, jazda salqyn. Túski jáne kesh­­ki tamaq­tar kompanııa esebi­nen tóle­ne­di. Aılyǵymyz óz ýa­­­qy­t­yn­­da beriledi. Basshymyz Arka­­dıı Rýbsovtyń ádildigi men adam­g­er­shiligin joǵary baǵa­laı­myn», – deıdi O.Shegolov.  Áń­gi­me­lesý barysynda da jumy­sy­nan bir sát ajyrama­ǵan jastyń eńbek­súı­gish­tigi men ja­ýap­ker­shiligi bizdi de tánti etti. Jýrnalıstik kezdesýler kezin­de elimizdegi tabysty tulǵa­nyń biri, Oral qalasyndaǵy «Steklo-Servıs» JShS-niń bas dırektory Arkadıı Rýbsov jóninde munda tikeleı qyzmet jasap júrgender óz oı-pikirlerin bizge bylaısha jetkizdi. Atap aıtqanda, onyń orynbasary Arman О́teshqalıev tómendegishe tilek bildirdi. «Steklo-Servıste» on alty jyl­dan beri qyzmet atqaryp kele­min. Eń alǵash ortaq isimizdi bas­taǵan kezimizde shaǵyn ǵana «Rýbsov» jeke kásipkerligi degen dúken boldy. Arkadıımen Oral qalasyndaǵy №25 mektepte birge oqydym. Keıinnen qu­ry­­lysta eńbek ettim. Ýnıver­sı­tet bitirgen soń turaqty ju­mys tappaı júrgenimde Rýbsovty jolyq­tyrdym. Ol maǵan dúke­ninde júk tıeýshige ǵana ju­mys baryn aıtty. Kelise ket­tim. Bir jyldan soń júrgizýshi bol­dym. Sodan soń bir­tindep senim­di kómekshisine aınaldym. 2007 jyldan bastap orynbasary bolyp taǵaıyndaldym. Osy jyldar ishinde sol shaǵyn dúkenniń birtindep órkendep, úlken óndi­ris oshaǵyna aınalǵanyna kýá bol­dym. Osylaısha oılaǵan arman­dary­myzǵa qol jetkizdik. Meniń qazirgi mindetim – elimizdiń barlyq óńirlerine jáne Reseı oblystaryna vagonmen shyny ónimderin saýda-sattyqqa shyǵarý. Arkadıı Anatolevıch – jańashyldyqty jany súıetin isker basshy. Maq­satymyz ortaq. Bul – báseke­les­tikke tótep berý arqyly halyq sura­nysyna ıe bolý». Búgingi materıalymyzdy tabysty tulǵa – Arkadıı Rýbsov jóninde áriptesteri jetkizgen osy oı-pikirlermen túıindegendi jón kóremiz. Káýsar BAIǴALIEVA, jýrnalıst, Temir QUSAIYN, «Egemen Qazaqstan» ORAL