Aty joq indet

Atyraý oblysynda 1400 sıyr belgisiz aýrýǵa shaldyqqan Atyraýdaǵy shalǵaı ári kórshiles Reseımen qońsy aýdannyń biri – Qurmanǵazy. Dál qazir osy aýdanda 1400-deı sıyr ázirge ataýy belgisiz indetke shaldyǵyp tur. Bul aýrý neden shyǵýy múmkin? Osyǵan baılanysty nendeı shara qolǵa alyndy? Biz atalǵan derekti anyqtaý jáne saýaldarymyzǵa jaýap alý maqsatymen Qurmanǵazy aýdandyq aýyl sharýashylyǵy bóliminiń basshysy Álimbaı Abdrahmanǵa habarlasqan edik. Alaıda, ol naqty málimetti Veterınarlyq baqylaý jáne qadaǵalaý komıteti Atyraý oblystyq aýmaqtyq ınspeksııasy basshysynyń orynbasary Sulýhııa Bısenovadan alýymyz qajettigin eskertti. Basshy orynbasarymen telefon arqyly sóılestik. – Qurmanǵazy aýdanynda je­ke ıeliktegi sıyrlardan aýrý bel­gileri 30 maýsymda belgili bo­la bastaǵan. Alaıda, maldary aýyrǵan turǵyndar jergilikti veterınarlarǵa 4 shildede ǵana habarlaǵan, – dep túsinik berdi Veterınarlyq baqylaý jáne qa­daǵalaý komıteti Atyraý oblys­tyq aýmaqtyq ınspeksııasy bas­shy­synyń orynbasary Sulýhııa Bısenova. – Biz mal aýrýy týraly sol kúni Veterınarlyq baqylaý jáne qadaǵalaý komıtetin habar­dar ettik. 5 shildede komıtetten jáne veterınarııa jónindegi ulttyq referenttik ortalyqtyń ókilderi keldi. Aýrý maldardan arnaıy synamalar alyndy. Ázirge mal aýrýynyń naqty dıagnozy qoıylǵan joq. – Aýyrǵan maldan qandaı belgiler baıqaldy? – Sıyr terisiniń astynda túıin­shekter paıda bolyp, bez ósken. Maldyń qyzýy da kóterilip, murny­nan silekeı aqqan. Shóp jemeı, qońy kúrt tómendegen. – Aýrý qaı okrýgterde anyq­taldy? – Aldymen Maqash, Eńbekshi, Orly, Nurjaý aýyldyq ok­­rýg­­­terindegi jeke ıeliktegi sıyrlardan shyqqany belgili boldy. Sonymen birge, «Qubashev» sharýa qojalyǵynyń maly da aýrýǵa shal­dyqty. – Mal shyǵyny bar ma? – Bar. Qazir 40-qa jýyq sıyr óldi. – Emdeý sharalary qolǵa alyn­dy ma? – Árıne, qazir aýyrǵan sıyr­larǵa arnaıy vaksına salynyp jatyr. Aýrýǵa shaldyqqan mal­dyń ishinen 274-i jazylyp, óriske shyǵyp ketti. – Bul aýrýdyń neden bolýy múmkin? – Ázirge neden ekenin tap basyp aıtý qıyn. Bul – vırýstyq aýrý, bálkim, bul kórshi elden túrli qansorǵysh jándikterdiń ushyp kelýi arqyly juǵýy múmkin... Qurmanǵazy aýdanyndaǵy múıizdi iri qaranyń belgisiz dertke shal­dyǵýy týraly derekter osyndaı. Aýdan ákimi Bıboz Shaıah­­me­tov­tiń aıtýynsha, aýrýǵa shaldyqqan sıyrlardy emdeý úshin bıýdjetten 1 mıllıon 930 myń teń­­ge bólinip, vaksına salý qolǵa alynǵan. Qalaı degenmen de, turǵyndar mal aýrýynyń dıagnozy tezirek anyqtalǵanyn qalap otyr. Joldasbek ShО́PEǴUL,  «Egemen Qazaqstan» Atyraý oblysy