Amerıkalyq Nıkolas Bentel esimdi dızaıner tyń dúnıe oılap tapty. Ol aýa lastanǵan kezde túsin ózgertetin kıim shyǵardy.
Dızaıner ázirge jeńi uzyn úsh jeńil jeıde ázirlep qoıǵan. The Verge aqpary boıynsha, olardyń biri aýadaǵy ıis gazy konsentrasııasynyń joǵary bolýyn, taǵy biri aýanyń qatty mıkrobólshektermen lastanýyn, al úshinshisi aýanyń radıoaktıvti zattarmen lastanýyn anyqtaıdy.
Árqaısynyń baǵasy shamamen 500 dollardy quraıdy. Dızaıner aldaǵy ýaqytta radıasııanyń joǵary deńgeıin anyqtaıtyn kıim shyǵarýdy maqsat etip otyr. Onyń quny 625 dollar bolatynyn da aıtty. Árbir úlgide ózindik tehnologııalar ornatylǵan. Aýanyń lastyǵyna baılanysty olardyń tústeri de qubylyp turady.
Aıta keteıik, osyǵan deıin Amsterdam dızaınerleri tanymal juldyzdardy paparasııadan qorǵaıtyn moıynoraǵysh shyǵarǵan bolatyn.
Aıan ÁBDÝÁLI,
«Egemen Qazaqstan»