Eleýsizov taǵy da baǵyn synamaq

«Tabıǵat» ekologııalyq qory­nyń jetekshisi Mels Eleýsizovke prezıdenttikke talpyný tańsyq emes. Ol osyǵan deıin, ıaǵnı 2005 jyly da óz kandıdatýrasyn usy­nyp, 0,28 paıyz daýys jınaǵan bolatyn. Jyǵylǵan judyryqqa toımaı­dy degendeı, ekologııa máselesin anda-sanda eske túsirip júretin Eleýsizov myrza kezekti ret prezıdenttik saılaýǵa túskeli otyr.  Ju­ma kúni ol bul nıetin resmı túrde málimdese, keshe Almatydaǵy Ult­tyq baspasóz ortalyǵynda jýrnalıstermen kezdesti. Ol osydan sanaýly kúnder buryn ǵana 2011 jyly prezıdenttik saılaýǵa qatyspaımyn dep má­lim etken bolatyn. Eleýsizov BAQ betterinde bergen suhbatynda saıasattan áldeqashan ketkenin jáne onda «qarajaty men adamdardyń qoldaýy joq» ekendigin málimdegen edi. Endi mine, aıaq astynan saılaýda baq synaıtyn bolyp otyr. Eleýsizov myrza BAQ ókilderi­men baspasóz máslıhatyn birden suraq-jaýaptan bastady. Zamana qan­sha degenmen ózgerip jatyr, bu­rynǵy saı­laýǵa qaraǵanda, baǵ­dar­lamasy óz­ger­gen bolar degen dá­me­mizden túk shyq­pady. Burynǵy baǵ­darlamasy jumys istep jatpaǵa­nyn alǵa tartqan kandıdat qolyn­daǵy baǵdarlamasy týraly da esh­teńe baıandaı qoımady. Áriptes­te­rimizdiń osy jolǵy saılaýdan qan­sha daýys alatyndyǵy týraly su­raqtary da jaýapsyz qaldy. Jal­py «eski de jańa kandıdat» jýr­nalısterdiń bar­lyq saýaldaryna syrǵytpa jaýaptar berip otyrdy dese de bolady. Birese elimizde demokratııa bar, birese joq, dep otyrǵan Eleýsizov myrzanyń saıasat týraly pikirleri de ekiushty. Saıasat – bul spektakl, – degen Eleýsizov endi birde, Prezıdent bolý jeńil jumys emes, ol úshin kóp eńbek etý kerek, degen jal­pylama sóz aıtady. Saıasatty jaqsy bilemin degen ol endi birde, tabıǵatty da jaqsy bilemin dep óziniń eski jyryna aýysady. Aıtqandaı, ekologııa má­se­lesimen jıyrma jyldaı aına­lys­qan Eleýsizov qoqys, turmys­tyq qaldyqtar máselesin de biraz qaýzaǵan bolatyn. Jýrnalısterdiń onyń ekologııa salasynda osy jyl­dar aralyǵynda naqty atqar­ǵan sharýalaryn bilmek bolǵan áreketi de iske aspady. Bizdiń uqqanymyz, Eleýsizov kótergen máseleler áli she­shimin tappaǵan, jasaǵan usy­nys­tary joba túrinde qalyp tur. Ol memlekettik tildi qaı dá­rejede bilesiz degen saýalǵa jaman emes dep jaýap berdi. Degenmen, ótken jyly birneshe oblysty aralap qaıtqan Eleýsizov eldiń jaǵ­daıyn biletin bolyp shyqty. Áli kúnge deıin naqty baǵdarlamasy joq, áli OSK-ǵa baryp, búkil talap-tilektermen tolyq tanysyp ta úlgermegen kandıdattyń sanaýly aıdyń ishinde saılaý aldy kom­pa­nııalary men úgit-nasıhat jumys­taryn qalaı júrgizeri belgisizdeý. Qysqasy, ótken saılaýda da Prezıdenttik orynnyń aýyly alys­ta bolǵandyǵyn bile tura qatysqan Eleýsizov sózi mynaǵan saıady: – Prezıdenttik saılaýǵa túsý arqyly tabıǵat, ekologııa máse­le­lerin keńinen kóterýge múmkinshilik bolatynyn burynnan aıtyp kelem. О́tken saılaýda birqatar máse­le­lerdi kóterip, olardyń sheshilýine qol jetkize aldym. Tabıǵat ta úl­ken saıasat, sondyqtan odan tys qal­ǵym kelmeıdi. Qazir dúnıe júzin­de úlken apattar oryn alyp jatyr, aýa raıy ózgerýde, sol sebepten qol qýsyryp otyra almaımyn. Sondaı-aq, ol demokratııaly el bolǵandyqtan, úmitker retinde qa­tysýǵa quqyly ekendigin aıtady. «Men prezıdenttike ótem be, ót­peımin be, ol meni mazalamaıdy. Men demokratııaly eldiń azamaty retinde ózimdi usynamyn. Bizdiń qo­ǵamnyń kemshin tusy bar. Ol – ha­lyq­tyń saılaýǵa nemquraıly qa­raýy. Úmit­kerler unaý, unamaýy ma­ńyzdy emes, bastysy – demo­kra­tııaly eldiń aza­maty retinde saılaýǵa qatysyp, óz únińdi bildirý»,  – deıdi úmitker. Aınash ESALI. Almaty.