«Qaırat» óz alańynda «Qyzyljar» oıynshylaryn qabyldap 3:0 esebimen aıqyn jeńiske jetti, dep habarlaıdy Egemen.kz
«Qaırat» fýtbol klýbynyń túlegi, ulttyq qurama shabýylshysy Dastan Sátpaev almatylyq klýb sapyndaǵy sońǵy oıynyn ótkizdi. Qoshtasý matchynda ol qarsylas qaqpasyna eki gol soǵyp, jasyndaı jarqyrady.
«Qaırattyń» túlegi endi londondyq «Chelsı» komandasyna aýysady. Londondyq klýb ótken jyly Dastan Sátpaevty 4,3 mıllıon eýroǵa satyp alǵan bolatyn. Taraptar bes jyldyq kelisimshartqa qol qoıǵan. Onyń 2,4 mıllıon eýrosy birden tólense, taǵy 1,9 mıllıon eýrosy ártúrli bonýstar túrinde tólenbek.
«Qaırat» pen «Qyzyljar» kezdesýindegi taǵy bir goldy Ismaıl Bekbolat soqty. Al Dastan Sátpaev «Qaırat» sapyndaǵy sońǵy joryǵyn joǵary deńgeıde aıaqtady.