Qosh, Alashtyń Ázaǵasy!

Jaqsylyq jaǵdaı bola qalsa, Ázaǵań ár ýaqyt súıinshilep «Ege­menniń» Almaty bólimshesine telefon soǵatyn. Qýanyshyn bóli­sip, balasha máz bolatyn. Elbasy habarlasyp, halin suraǵanda: «Shal­darsha shapqylap júrip jatyr­myn», dep aıttym dep sonsha­lyq­ty bir rııasyz kóńilmen aǵynan jarylatyn. Jaqynda ǵana Azıa­danyń qurmetti alaýgeri retinde О́skemenge baryp kelgen joly: «Nesin aıtasyń, myna aǵalaryń shal bolsa da jele jortyp jú­gir­gende alaýger jastardyń bárinen ozyp ketti ǵoı», dep shattanǵan bolatyn. Aǵanyń kóńili jas edi, ómirge qushtar edi, júregi tunyp turǵan izgilikti mahabbat edi. Mahabbattyń jyrshysy. Izgi­liktiń jyrshysy. Erliktiń jyr­shysy. Halyqqa meılinshe keń ta­raǵan, oqyrmany eń kóp jazýshy. Bir ǵana «Mahabbat, qy­zyq mol jyldar» men «Aqıqat pen ańyz» osyǵan anyq aıǵaq. Ana bir jyldary týǵan halqyna «qazaq ultshyldyǵyn» tańǵany úshin bas hatshy Gorbachevqa nara­zylyq hatyn joldaǵan ultjandy qaı­ratker. Eki aı buryn ǵana el Prezıdentiniń qolynan «Otan» ordenin alǵan otanshyl abyz. О́zi de qazaq qyzdary saılap qoıǵan Mahabbat Prezıdenti. Qazaqstannyń halyq jazý­shy­sy, Memlekettik syılyqtyń laý­reaty Ázilhan Nurshaıyqovty aq­yrǵy saparǵa attandyrǵan M.Áýe­zov atyndaǵy akademııalyq dra­­ma teatry aldynda bolǵan qara­ly jı­ynda aıtylǵan sózderdiń oı tujyrymy osyǵan saıdy. Áde­bıe­timiz ben mádenıetimizdi aýyr shyǵynǵa ushyratqan qazaǵa baı­lanysty Elbasynyń kóńil aıtý jedelhatyn kópshilikke Almaty qalasynyń ákimi Ahmetjan Esimov jetkizdi. Qart qalamgerdiń ómir boıy elge qyzmet etken ónege-úlgisin aıta kele, Qazaqstan Jazýshylar odaǵy basqarma­sy­nyń tóraǵasy Nurlan Orazalın kóńil aıtý jedelhattaryn jol­daǵandar qatarynda Premer-Mınıstr K.Másimov, Senat pen Má­jilis Tóraǵalary Q.Toqaev pen O.Muhamedjanov, Memlekettik hat­shy – Syrtqy ister mınıstri Q.Saý­dabaev, aqıyq aqyn, IýNESKO-daǵy Qazaqstannyń ókili O.Sú­leımenov, mınıstrler M.Qul-Mu­hammed, B.Jumaǵulov, A.Juma­ǵa­lıev esimderin, Máskeýdiń bir top qalamgerlerin atap ótti. Alma­ty, Shyǵys Qazaqstan jáne Oń­tústik Qazaqstan oblystarynan halqy súıgen, halqyn súıgen eń ha­lyq­shyl jazýshymyzben qosh­ta­sýǵa arnaıy delegasııalar kelipti. Qaraly jıynda Májilis depý­taty N.Sabılıanov, ádebıeti­miz­diń aqsaqaly T.Kákishuly, halyq jazýshysy T.Moldaǵalıev, Ál-Fa­rabı atyndaǵy Qazaq ulttyq ýnı­versıtetiniń rektory, akademık Ǵ.Mutanov, jazýshy S.Dosanov sóz sóılep, Ázaǵańnyń maıdan­da­ǵy, jýrnalıstıkadaǵy, jazýshy­lyq joldaǵy jáne ómir tirligindegi óshpes iz qaldyrǵan taǵy­lym-ǵıbrattaryna keńinen toqtaldy. Ázaǵań Keńsaıdaǵy óziniń súı­ikti jary, máńgilik mahabbatynyń jyryn mazdatqan Halıma apaı­dyń qasyna qoıylyp, arýaǵyna Quran baǵyshtalyp, as  berildi. Qorǵanbek AMANJOL.