Dáıekti is-qımylǵa joǵary baǵa

AQSh palatasynyń Eýropa, Eýrazııa jáne jańa qaýipter jónindegi komıtetiniń tóraǵasy, respýblıkalyq kongresmen Deına Rorabeıker Qazaqstanda ótken «Iаdrolyq qarýsyz álem qurý» konferensııasyna qatysty málimdeme jasady: «Búkil álemnen tehnıka mamandary men saıa­sı basshylar «Iаdrolyq qarýsyz álem qurý» maqsatynda Astanadaǵy halyqaralyq konferensııada bas qosty. Sońǵy 25 jylda AQSh pen Qazaqstan úkimetteri ıadrolyq materıal qaýipsizdigi men qyrǵı-qabaq soǵys zamanynyń ıadrolyq bedsendiliginiń saldaryn azaıtý isindegi tabysty yntymaqtastyqtyń jemisin kórýde. Memleketterimizdiń birlesken jumysy óńirlik turaqtylyq pen halyq­ara­lyq qaýipsizdikti artt­yrý isine óz úlesin qosty. Konferensııanyń ótki­zilý kúni BUU-nyń Iаd­ro­lyq synaqtarǵa qar­sy is-qımyldyń halyq­aralyq kúnimen sáı­kes keletini zań­dy. Men Qazaqstan hal­qynyń ıadrolyq qarýsyzdanýǵa degen buljymas senimdiligin jáne el úkimetiniń bul saladaǵy dáıekti is-qımylyn joǵary baǵalaımyn. Men konferensııaǵa sáttilik tileımin.