Forým aıasyndaǵy kezdesýler

Qazaqstan Respýblıkasy Parlamenti Senatynyń Tóraǵasy Qasym-Jomart Toqaev «Iаdrolyq qarýsyz álem qurý» halyqaralyq konferensııasyna qatysýshylarmen birqatar ekijaqty kezdesýler ótkizdi, dep habarlady Senattyń baspasóz qyzmeti. Q.Toqaev BUU Bas hatshy­synyń orynbasary, BUU Jene­va bóliminiń Bas dırektory, Qarýsyzdaný jónindegi konfe­ren­sııanyń bas hatshysy Maıkl Mıollermen BUU qyzmeti­niń keleshegin talqylady. Senat Tóraǵasy Birikken Ulttar Uıymy­nyń álemdik isterdegi jetekshi ári ortalyq róli týraly Qa­zaqstannyń qaǵıdatty kózqara­syn atap ótti. Senat Tóraǵasy ol tujyrymdardyń BUU Bas Assambleıasynyń jáne Qaýipsiz­dik Keńesiniń resmı qujaty márte­besine ıe bolǵan Prezıdent N.Nazarbaevtyń «Álem. HHI ǵasyr» manıfesinde egjeı-tegjeı­li mazmundalǵanyn aıtty. Iаdrolyq synaqtarǵa jalpyǵa birdeı tyıym salý týraly shart uıymy Daıarlaý komıssııasynyń atqarýshy hatshysy Lassına Zerbomen kezdesý barysynda halyqaralyq qaýipsizdik jáne ıadrolyq qarýdy taratpaýdaǵy ózekti máseleler talqylandy. Q.Toqaev elimizdiń Iаdrolyq sy­naqqa jalpyǵa birdeı tyıym salý týraly sharttyń tezirek kúshine enýin jaqtaıtynyn atap ótti. Qazaqstan Parlamenti Jo­ǵar­ǵy palatasynyń basshysy Koreıa Respýblıkasynyń qosy­lý mınıstri Hon Ion Pıoni de qabyldady. Q.Toqaev Qazaqstan Pre­zıdenti N.Nazarbaevtyń bıylǵy qarashada Seýlge sapary bizdiń barlyq saladaǵy, onyń ishinde ıadrolyq qarýdy taratpaý máselelerindegi tyǵyz yntymaqtastyǵymyzǵa jańa serpin beretinine senim bildirdi. Sondaı-aq, Qazaqstan Senaty men Ońtústik Koreıanyń Ulttyq assambleıasy arasyndaǵy ózara is-qımyldyń keleshegi de sóz boldy. Kezdesý barysynda Koreıa túbeginde ıadrolyq qarýdy taratpaý máseleleri qozǵaldy.