Beslan balalarynan hat

Redaksııamyzǵa «Bóbek» qory­nyń prezıdenti Sara Al­pysqyzy Nazarbaevanyń atyna jazylǵan hat kelip tústi. Ol taıaý shetelden kelipti. Anyqtap aıtsaq, hatty osydan alty jyl buryn qasiretti jaǵdaıǵa tap bolǵan Beslan ba­lalary jazypty. Olar Sara Alpys­qyzyna qıyn sátte kór­setken kómegi, jan jylýy úshin rahmet aıtady. Biz shynaıy yqy­lasqa toly bul lebizdiń qalyń qaýymǵa  berer taǵylymy mol ekenin, ári Sara Alpysqyzynyń mereıli shaǵyn eskere otyryp, ony jurtshylyq nazaryna usyn­ǵandy jón kórdik. Sálemetsiz be, qymbatty Sara Alpysqyzy! Sizdi mereıli toıy­ńyzben shyn júrekten quttyq­taımyz! Bizdiń, Beslan qala­sy­nyń balalarynyń taǵdyrynda Siz úlken ról atqardyńyz! Sizge shyn júrekten zor den­saýlyq, árdaıym ashyq aspan já­ne atqaryp jatqan iste­rińizge óris tileımiz! Siz sııaqty óz Otany men halqyn, balalaryn sú­ıe­tin, jany izgi, meıirimdi  jan eń úlken Ba­qyt pen Mahabbatqa laıyq! Biz ózimiz úshin eń bir qıyn kezderde, sol bir qorqynyshty tústeı bol­ǵan zobalańnan soń ómirge qaıta kelýge kómektesip, qasymyzdan tabylǵanyńyzdy esh­­­­qa­shan umytpaımyz. «Bó­bek­tegi» kezderimizdi, ózińizben bol­ǵan kezdesýdi  alǵyspen eske ala­myz. Biz úshin bul úlken oqıǵa edi jáne Sizdiń júregińizdiń jylýy, týǵan anamyzdy eske salatyn meıirimdi kúl­kińiz áli kúnge sheıin jú­regimizge jylý berip keledi. Bul úshin alǵy­symyz sheksiz! Sizdiń osy­naý qamqorlyǵy­ńyz­dyń arqasynda biz Qa­zaqstandy jer betindegi eń jaqsy el retinde eske alamyz! Beslanǵa qaı­typ kel­gennen keıin biz­diń top qa­lypty ómirge birden boı úıretip ketti, sanamyzǵa bilimge degen qushtarlyq ornyǵyp, lańkestik áreketten kóz jumǵan qandas­ta­rymyzdyń rýhtarynyń rıza­shy­lyǵy úshin, keleshekte izgi isterge muryndyq bolý úshin biz qaıtadan oqýǵa bardyq. Ýaqyt ornynda turmaıdy, mine, alty jyldan asyp barady... Bárimiz eseıip te qaldyq. Sizdiń sol kezde aıtqan  – jaqsy oqyp, úzdik maman bolyp, meıirimdi de adal adam bolyńdar degen analyq aqylyńyz búgingi kúni odan da qymbattyraq. Zarına Daýrova (esińizde me, ol Beslandaǵy qaıǵyly oqıǵa týraly óleń jazyp edi ǵoı?) men Alana Alıkova eko­no­mıkalyq bilim aldy, qa­zir bank salasynda qyz­met at­qaryp júr. Alana qarjylyq jo­ǵary oqý ornyn osy jyly aıaq­taıtyn Inga Týaevamen birge zań­gerlik ekinshi mamandyq almaq. Zaýr Soraev pen Aslan Dzarasov ta zańger bolmaq. Oǵan qosa sport­pen de aınalysyp júr. Zaýr­dyń qaryn­dasy Alına Soraeva qarjy akademııasynyń stýdenti. Al Aslannyń inisi Soslan Dzarasov dáriger bolamyn dep shesh­ti, medısına aka­de­mııasynda oqıdy. No­gaev­tardyń úlkeni – Zalına Máskeýdegi medı­sınalyq jo­ǵarǵy oqý ornyna tús­ti, al kishileri Ellına men Allochka orta mektepte oqıdy. Zarına Sırıhova Más­keý mańyndaǵy lıseıdi bitiredi. Aramyzdaǵy jas aıyrma­shy­ly­ǵyna qaramastan, «Bóbektegi» bir aı bizdi jaqyndastyryp jiberdi, dostasyp kettik, áli kúnge baılanysymyz úzilgen joq. Al kezdese qalsaq, mindetti túrde «Bóbektegi» kúnderdi eske ala­myz. Ol kúnderdi eske alýdyń ózi biz úshin bir mereke. О́ıtkeni, sol kezde biz eń alǵash naǵyz Adam­dardyń árqashan bir-birine kómek­tesetinin, jer betinde jaqsy jan­dardyń kóptigine sený kerek ekenin jáne qalyń kópshilik jaq­sy ómir súrýi úshin ózimiz de kóp nár­se isteýimiz kerek ekenin tú­sindik. Siz bizge О́mir men ózin ózi taný­dyń keremet sabaǵyn berdińiz! Qazir biz aıaǵymyzdan tik tur­dyq, óz bolashaǵymyzdy ózi­miz jasaýdamyz – barlyǵy da Sizdiń arqańyz, qymbatty Sara Alpysqyzy! Qazaqstan jerindegi ár sátimiz esimizde! «Bóbek» ortalyǵynyń qyzmetkerleri men Almatynyń qarapaıym turǵyndary sondaı bir jylýǵa bólegen edi! Mundaı nárse umytylmaıdy, biz muny árdaıym este ustaımyz jáne búgingi baqytymyz úshin Sizge alǵys aıtyp ótemiz! Sizge jáne jaqyndaryńyzǵa densaýlyq pen baqyt tileımiz! Qurmetpen, Sizdi súıetin jáne alǵys aıtatyn Beslan balalary.