Ákimniń aıtýynsha, osy maqsatqa bıyl 17 mlrd. teńge bólinse, sonyń 5 mlrd. teńgesi ınjenerlik kommýnıkasııalardy tartý men abattandyrýǵa, qalǵany turǵyn úı qurylysyna jumsalady. Mysaly, Oralǵa qarasty Zachagan kentindegi Atyraý men Saratov joldarynyń aralyǵyndaǵy jańa shaǵynaýdanda bes qabatty 5 turǵyn úı (500 páter) salynýda.
«Sondaı-aq óńirdegi bas shahardyń ózge shaǵynaýdandarynda, Aqsaı qalasy men aýdandarda jańa úıler boı kóterýde. Bulardyń birqatary osyǵan deıin tapsyryldy. Qalǵan segiz úıdiń qurylysy jeltoqsan aıynda márege jetedi. Olardyń sapasyn udaıy qadaǵalaýdamyz. Jańa páterlerdiń basym kópshiligi kezekte turǵan azamattarǵa beriledi. Taǵy bir aıta ketetin jaıt, osy qurylys barysynda 1500-ge jýyq jumys orny ashyldy. Munyń bári Elbasy tapsyrmasyna sáıkes jasalýda. 1500 páter az emes. Bul bizdiń Táýelsizdiktiń torqaly toıyna tartar erekshe syıymyz bolmaq», dedi Altaı Kólginov.