Halyq tilegi qabyl boldy

Halyq el prezıdenttiginen úmitkerler arasynan Nursultan Nazarbaevty tańdap alatynyna bárimiz bir kisideı sengen edik. Bul tarapta ıneniń jasýyndaı kúmán-kúdigimiz bolmaǵandyǵyna ar-ojdanymyz kýá. Barlyq oı-nıetimiz, peıilimiz Memleket basshysynyń mereıiniń artýyna aýdy da turdy. «Uıǵyr avazı» gazetiniń betinde kún saıyn halyqtyń osynaý yqylasy aınadaǵydaı jarqyrap kórindi desek, qate aıtpaspyz. Saılaý kúngi qubylanama halyq kókiregindegi qasıetti tańdaýdy qatelestirmedi. Úmitimiz aldamady, jıyrma jyl boıy júrip kele jatqan temirqazyq nysanamyzdan adastyrmady. Solaı boldy da. Bul – halyqtyq tańdaý, halyq eshqashan da qatelespeıdi, oǵan eshqandaı da kúmán joq deıtinimiz de sondyqtan ǵoı. Elimizdegi ilgerileý men saıası turaqtylyqtyń, de­mo­kratııalyq damýdyń jar­qyn úlgisin kórsetken táý­el­siz Qazaqstan halyq­ara­lyq ıgi isterdiń bastama­shysy bolyp kele jatqany da belgili. Munyń ózi elimizdegi birlik pen ynty­maq­tyń, dostyq pen tatý­lyq­tyń arqasy ekendigi aıdan anyq. Bizdiń osyndaı biregeı birligimizdiń, dáıekti tu­raqtylyǵymyzdyń negizgi dem berýshisi Nursultan Ábish­uly ekenin biz, qa­zaqstandyq uıǵyrlar, óte jaqsy bilemiz. Sonyń aı­qyn aıǵaǵyndaı, 3 sáýir kúni ótken prezıdenttik saı­laýda Qazaqstandaǵy uı­ǵyr dıasporasy 100 paıyz Nursultan Nazarbaevty qol­dap daýys berdi dep nyq senimmen aıta alamyn. О́ıt­keni, halqymyzdyń qalt­qysyz senimine ıe bolǵan Elbasynyń jeńisi birligimiz ben ózara túsinistigimizdiń jemisi ekendigin bárimiz kúnbe-kún sezinýdemiz. Ja­ńa­ǵy sózimizge dálel qajet bolsa, Qazaqstan uıǵyr­la­ry­nyń basym kópshiligi Almaty oblysynyń Uıǵyr, Panfılov, Eńbekshiqazaq, Talǵar aýdandarynda jáne Almaty qalasynda turady. Eger Almaty oblysynda saılaýshylardyń 96,9 paıy­zy, Almaty qalasynda 68,5 paıyzy saılaýǵa qatys­qa­nyn eskersek, olardyń ara­synda uıǵyrlar az paıyzdy qurasa da, 100 paıyz daýys­taryn Elbasyna bergenine kúmánim joq. Bul uıǵyrlar jıyntyq turatyn eldi mekenderdegi jigitbastarynyń málimetteri (jigitbasy — uıǵyrlarǵa tán jergilikti ózin-ózi basqarý ınstıtýty sııaqty ulttyq dástúr). Osy málimetterge qarap otyryp ózimniń týǵan halqymnyń kemel Kóshbasshy, álemdik deńgeıdegi asqaq saıasatker, óz Elbasymyzǵa taǵy da daýys berip, rııasyz sengendigine eljireı qýandym. Iá, halyqtyń tilegi qa­byl boldy. Týysqan da qan­das qazaq halqynyń ǵasyr­lar boıy armandaǵan táýel­sizdiginiń irgetasyn qalaǵan Nursultan Nazarbaev qazaq baýyrlarymdy da, barlyq qazaqstandyqtardy da jar­qyn bolashaqqa qaraı nyq senimmen alǵa bastap keledi. Arqanyń tórinde ádemi Astana qalasyn turǵyzǵan Elbasy dúnıe júzine Qa­zaqstannyń demokratııalyq el ekenin tanytyp, elimizdi álemdik deńgeıge kóterdi. Sondyqtan da halqymyz óz Prezıdenti N.­Á.Na­zar­baev­qa degen shynaıy senimi men sózsiz qoldaýyn taǵy bir ret dáleldegenin kórip otyr­myz. Qatelespegen halyq tańdaýy shynaıy búkil­halyqtyq merekege aınalyp jatqandyǵy da naq son­dyqtan dep bilemin. Iýldash AZAMATOV, «Ýıǵýr avazı» gazetiniń bas redaktory, Qazaqstan halqy Assambleıasynyń múshesi.