Keshe Premer-Mınıstr Kárim Másimov qysqa merzimdik jumys saparymen Qaraǵandyda boldy. Úkimet basshysy Prezıdent Nursultan Nazarbaevtyń Jarlyǵyna sáıkes Serik Ahmetovtiń oblys ákimi bolyp qaıta taǵaıyndalǵanyn málimdedi.
S.Ahmetov oblystyq máslıhat depýtattarynyń biraýyzdan qoldaýyna baılanysty jaýapty qyzmetin jalǵastyratyn boldy. K.Másimov óndiristi óńir basshysynyń buǵan deıingi is-qyzmetine oń baǵa bere kelip, aımaqtyń el ekonomıkasyn odan ári kóterýine úlesti úlkeıtý, turǵyndardyń ál-aýqatyn, turmystyq jaǵdaıyn jaqsartý jolyndaǵy jańa mindetterdi tujyrymdap, alǵa qoıdy. Elbasy belgilegen strategııalyq maqsattardy oryndaý baǵytynda otandyq ındýstrııa qara shańyraǵynyń kóshbasshylyq rólinen aınymaý kerektigi atap kórsetildi.
Oblys ákimi bolyp qaıta taǵaıyndalýyna baılanysty zor jaýapkershilikti aqtaýǵa Serik Ahmetov kúsh-qabiletin odan saıyn jumyldyra túsetindigine senim bildirdi.
Aıqyn NESIPBAI.
Qaraǵandy.