Jaǵdaı áli de kúrdeli

Qardyń mol túsýi, eki kún qa­tarynan jańbyrdyń jaýýy jáne kúnniń kúrt jylýy – ob­lysta tótenshe jaǵdaıdyń oryn alýyna ákep soqty. Toń áli jibimegendikten erigen qar sýy men ózen-kól­derdiń arnasynan asqan tasqyn sý jerge sińbeı, saı-salany saǵalap, jyra-jylǵany jaǵalap Oral qa­lasy men Tasqala, Terekti, Bórli, Shyńǵyrlaý, Zelenov, Qaztalov aýdandaryna qarasty kóptegen eldi mekenderge qaýip tóndirýde. Abyroı bolǵanda, adam shyǵyny joq. Biraq mal basynda ólim-jitim bar. 2580 adam qaýipsiz aı­maq­qa kóshirildi. Olar ýaqytsha baspanamen jáne ystyq tamaqpen qamtamasyz etildi. Oblystyq aýyl sharýashylyǵy basqarmasynyń bas­tyǵy Marat Ońǵarbekovtiń málim­deýin­she, 20 myń gektar kúzdik bıdaı sý astynda qalǵan. Elektr qýatyn taratýshy qosalqy stansalar men gıdrometeorologııalyq stansalardyń da keıbiri isten shyqqan. Oblystyq mańyzy bar 27 joldy tasqyn shaıyp ketken. 12 sáýir kúni keshkisin oblys­tyq ákimdikte ótken tótenshe jaǵ­daılar jónindegi oblystyq ko­­mı­s­­­sııanyń ekinshi otyrysynda Tótenshe jaǵdaılar mınıstri Vla­­dımır Bojko, ási­rese, kúnniń ekinshi jar­tysynda ja­ǵ­daı­dyń burynǵydan beter kúrdelene tús­kenin jetkizdi. Tótenshe jaǵdaı­lar­­­dyń aldyn alý bo­ıynsha oblystyq ko­mıs­­sııan­yń tóraǵasy Tımýrjan Shá­kimov­tyń málimdeýinshe, bú­gingi tańda qutqarý­shy­lardyń negizgi kú­shi Samal shaǵyn aýda­ny­na baǵyt­tal­ǵan. Zelenov aýdanyndaǵy ahýal da kúr­deli. Tas­qala aý­danynda sý qaı­ta bas­tady. Kar­dıo­­ortalyq­ty, «Jas dáý­ren» balalar úıin, «Ivý­shka» saýyqtyrý ortalyǵyn, «Eýrazııa» týrıstik kesheni men «Daryn» orta­lyǵyn, Qarttar men múge­dek­ter úıin tasqyn qursaýlap aldy. Oral qalasynyń ákimi Samı­ǵol­la Orazov alǵashqy kúnderi múlik­terin tastap qaýipsiz aımaqqa kóshý­de asa belsendilik tanyta qoımaǵan jan­dar­dyń 12 sáýir kúni qarqyndy kóshe bastaǵanyn aıtty. Qala aýma­ǵyn­daǵy 167 turǵyn úı sý astynda qal­ǵan. Qalalyq jedel shtab pen qutqarý qyzmetterine tolassyz tú­sip jatqan habarlamalar sany tústen keıin kúrt artqan. Iesiz qalǵan saıajaılar men eldi mekenderdi quqyq qorǵaý organ­dary­nyń qyzmetkerleri kúzetpek. – Tasqyn tolastar emes. Kerisinshe, sý mólsheri ulǵaıǵan ústine ulǵaıa túsýde. Oblysta óte qıyn jaǵ­daı qalyptasyp otyr. Jary­lys jumys­tary kesh júrgizildi degen joramaldar aıtylýda. Men muny­men kelispeımin. Oblys bas­shylyǵy men tó­ten­she jaǵdaılar departamenti tas­qyn sýdyń qaýpi áli tolyq anyq­tal­maı turyp, ıa­ǵ­nı 5 sáýir kúni óńirde tótenshe jaǵ­daıdyń ornaǵanyn habar­la­maǵan­da jaǵdaı qazirgiden de kúrdeli bolar edi. «Qazgıdromet» mamandary bıylǵy kóktemde tas­qynnyń deń­geıi ortasha bolady degenimen, qar­dyń qalyń bolýy, kún­niń kúrt jylynýy men jaýyn-shashyn­nyń mol túsýi sııaqty tabıǵı fak­tor­lardy aldyn ala anyqtaý múmkin bolmady. Eki-úsh kúnniń ishinde bir aılyq jaýyn-shashyn jaýdy, – dedi V.Bojko. – Tasqyn sýdan zardap shekkenderge mate­rıal­dyq kó­mek áli kórsetilgen joq, – dedi oblys ákimi Baq­ty­qoja Izmuhambetov. –  Jergilikti bıýdjetten qarjy bó­linetin bola­dy. Tótenshe jaǵ­daılar mınıstrimen birge res­pýb­lıkalyq bıýdjetten qarjy bólý týraly Prezıdent Ákimshili­gine, Úkimet bas­shy­synyń atyna hat jiberildi. (Es­ker­te keteıik, bet qattalyp jat­qan­da redaksııaǵa Úkimet rezervinen qarjy bólin­geni týraly habar kelip tústi. Ol gazettiń birinshi betinde jarııa­lanyp otyr. – Red.) Baqtyqoja Salahat­dınuly son­­daı-aq shy­ǵyndy óteý bary­syn­da málimettiń naqty bo­lýy qajet­tigin qa­dap aıtty. Jańa bas­pa­na­lardyń aýdany tas­qyn­nan qıra­ǵan baspana­nyń aýdany­men sáı­kes kelýi tıis. Al ishinara bu­zylǵan úıler jón­deý­den ótedi. «Batyssýshar» kásipornynyń dı­­re­ktory Qazbek Kenje­ǵalıev Jaıyq ózenin­degi sý deń­geıiniń 6 metr­ge jetkenin jáne taǵy da kóteriletinin, sondaı-aq Derkól, Sha­­ǵan ózen­­derin­de áli de kúr­deli jaǵ­daı­dyń saq­­­ta­lyp otyr­ǵan­dy­ǵyn jet­kizdi. Ob­lys aýma­ǵyn­da 13-14 sá­ýir­­de jańbyr jaýýy­na baı­la­nys­ty mun­daǵy ózen­­derdegi sý deńgeıi taǵy kó­terilýi múmkin ekendigin eskertken mınıstr V.Bojko ta­bıǵı apatpen kúreske jumyl­dy­ryl­ǵan barlyq ja­ýap­ty qyz­met­kerlerge ju­mys­ty barynsha shı­­ratýdy, eń basty­sy, adam shyǵy­nyna jol bermeýdi tap­­syr­dy. Temir QUSAIYN. Batys Qazaqstan oblysy.