Aıaýlymnyń alar bıigi áli alda

О́skemendik on jasar Aıaý­lym Ámirenovamen oıda joq jer­­de ta­nystyq. Naýryzdyń soń­­ǵy kún­de­rinde О́skemenniń irgesindegi ta­bı­ǵaty tamyl­jyǵan «Altaı alpisi» sport­tyq de­ma­lys baza­synda frıstaıldan Qa­zaq­stan chempıo­naty ótti. Kúni ke­shegi Azııa oıyndaryn­da top jarǵan jerlesterimiz taǵy da qarsy­las­taryn shaq keltirmeı al­tyn­nan alqa taqty. Al dúbirli ja­­rys­tyń aldynda on-on eki jas­taǵy jasóspirimder ara­syn­da el chempıonaty ótken bolatyn. Mine, Qazaqstan Respýblı­ka­­sy­nyń I qysqy jastar oıyn­da­rynda óskemendik talapty qyz Aıaý­lym Ámirenova frıs­taıldyń mogýldan juptasýda altynnan alqa taqsa, frıstaıl-mogýlda ek­inshi, al frıstaıl-akrobatıka sport túrinen úshinshi oryndy ıelendi. Bir jylda qatarynan úsh birdeı medal alý kez kelgenniń mań­da­ıyna buıyra bermeıtin baqyt. «Altaı alpisi» taý shań­ǵysy bazasyndaǵy bıiktigi bir myń metrlik bıik shyńǵa jyl­dam kó­te­rile­tin qanatty jol salýǵa О́s­kemen qa­lasy­nyń áki­mi Islam Ábishev jaǵ­daı ja­sady desek ar­tyq aıt­qan­dyq emes. Jeke ká­sip­ker A.Chı­lıkın men qalalyq ákim­dik ózara kelisimge qol jetkizip, nátı­je­sinde paı­dala­nýǵa berildi. Qa­zir ol óskemen­dikter­diń sú­ıik­ti ornyna aınalǵan. Res­pýb­lıka­lyq oblystyq ja­rys­­tar­dyń barlyǵy osy jerde ótki­zile bastady. Aıaýlym bıik shyńǵa kó­te­rildi de, tómen qa­raı jul­dyz­­sha zymyrady. Shy­nashaqtaı qyz­dyń batyl­dyǵyna rıza boldyq. – Qyzymyz ójet, tórt ja­synda shańǵyǵa turýdy úıret­tik. Bastap­qyda sporttyń bul túrin tastap ketetin shyǵar degenbiz. Joq, qaı­sarlyǵy shy­ǵar, alty jasynda sport­tyń eń kúrdeli túri – frıs­taıldy úırensem degen qushtarlyq paıda boldy. Sergeı Aksenov degen bapkerge tapsyrdyq. Mi­ne, alty jyldan asyp ba­rady, frıs­taıldyń basqa túr­lerine de qyzy­ǵýshylyq ta­ny­týda, – deıdi Aıaý­lym­nyń áke-sheshesi Serik pen Gaýharııa Ámi­renovter. – Aıaýlymnyń ata-anasy Serik pen Gaýharııanyń qyz­daryn bıik belesterge shyǵarý jolyn­daǵy erik-jigeri bizdi qýantady. Seriktiń Zaısan aý­danynda «Ámi­ren» sharýa qo­jalyǵy bar. Sha­rýasynyń bar­­­ly­ǵyn ysyryp tas­tap qy­zynyń sportta bıik belesterge shyǵýy úshin zaıyby Gaý­harııamen birge janynda bo­lýy shynynda da qup­tarlyq is. Tipti ekeýi Aıaýlymdy Al­matyda ótken Azııa oıyn­daryna ertip bardy. Ondaǵy maqsattary belgili, Tabaǵan­daǵy frıstaıl ja­rystaryn óz kózimen kórse, tá­jirıbeli sportshylarmen jaqyn bolsa degen qadam shyǵar. Tú­binde Aıaýlymnyń álem chempıo­na­tynda top jarýy múmkin. Árı­­ne, ol úshin tájirıbeni shyńdaı túsý qajet deıdi, – bizben birge taý shańǵysy bazasynda bolǵan Marat pen Gúlmıra Ormanbetovter. – Aıaýlymnyń boıyndaǵy qaı­sarlyq, keleshekke kemel se­nimmen qaraıtyn úmiti qýan­­tady. Qa­­zaq qyzdary arasynan elimiz táýel­sizdik alǵaly birde-bir Olımpıada chem­pıony shyq­paǵan eken. Endeshe Aıaýlymǵa sát sapar tilep, Olımp shyńyna shy­ǵýǵa ba­tamyzdy beremiz. Elimiz­diń kók baıraǵyn aspandata áýe­lete ber, – dedi oraıy kelgen sátte «Egemen Qazaq­standaǵy» áriptes inimiz Jaqsybaı Samrat. Al Aıaýlymnyń bapkeri Ser­­geı Pavlovıch bolsa shákirtiniń qazirgi aıaq aly­syna rıza­shy­ly­ǵyn bildire otyryp, áli de kóp izdený qajet­tigin aıtady. Qazir qa­zaq balalary frıstaıl taý shań­ǵysy úıirmele­rine azdap bol­sa da kelip jatyr. Sonyń biri – jeti jasar Orynhan Mu­qataev eken. Basqa qara­doma­laqtar da sport­­­tyń osynaý kúrdeli túrin meńger­sek degen qul­shynys tanytýda. – О́skemendegi №3 mektep-gım­nazııanyń tórtinshi syny­byn­da oqı­­myn. Mektep dırek­tory E.Ákit­baev sport­tyń órkendeýine erekshe kóńil bó­ledi. Qala mektepteri arasyn­daǵy sporttyq ja­­rystarda mektep túlekteri úne­­mi al­dyńǵy oryndarǵa ıe bolýda. Al armanym Álem chempıo­ny ataný, – deıdi órshil qyz Aıaýlym Ámirenova. Ońdasyn ELÝBAI. О́skemen. –––––––––––––––– Sýrette: Aıaýlym Ámirenova chempıon atanǵannan keıin.