Áýezov talantyna taǵzym

Bıylǵy jyly Semeıdegi ǵana emes, búkil elimiz boı­ynsha eń baıyrǵy bilim oshaqtarynyń biri de biregeıi M.Áýezov atyndaǵy pedagogıka kolledjiniń qury­lyp, jumys isteı basta­ǵa­nyna 110 jyl tolady. Al­ǵashqyda pedtehnıkým bo­lyp ashylǵan bul oqý or­nyn­da zamanynda Muhań­nyń úzeńgiles dostary Jú­sipbek Aımaýytov pen Álkeı Marǵulan, odan bergide Sháken Aımanov pen Ázilhan Nurshaıyqov, keshegi keńes zamanynda res­pýb­lıkamyzdyń Ishki ister jáne Oqý mınıstrleri bolǵan Qa­bylbek Shyraqbaev pen Ábdihamıt Sembaev  syndy jáne basqa kóptegen kór­nek­ti tulǵalar oqyp, bilim alǵan. Mine, sol baıyrǵy oqý ornynyń  zamanymyzdyń zań­ǵar jazýshysy Muhtar Áýezov esimimen atalǵanyna biraz jyl bolyp qaldy. Kıeli oqý ornyn búginde fılologııa ǵylymdarynyń kan­dıdaty Shaǵan Janaeva biliktilikpen basqaryp keledi desek, jýyrda kolledjdiń aldaǵy mereıtoıyna oraı «Áýezov talantyna taǵzym» degen atpen ıgi is-shara ótti. Qalalyq mádenıet saraıyn­da ótken bul aýqymdy jı­yn­ǵa Astanadan L.Gýmılev atyndaǵy Eýrazııa ýnıversıteti janyndaǵy Otyrar kitaphanasynyń dırektory, áýezovtanýshy ǵalym-jazý­shy Tursyn Jurtbaı ar­naıy shaqyryldy. Pedkolledj oqýshylary ǵalym-ja­zýshynyń Áýezov mura­syn zertteýdegi zor eńbegin ashyp kórsete bilse, Tur­syn myrza áýezovtaný, alash­taný taqyrybyna qalaı kelgenin erekshe tolǵa­nys­pen  baıandap berdi. Áserli jıyn sońynda Tur­syn Jurtbaı pedkol­ledj­diń endi ǵana shyǵa­ryl­ǵan Áýe­zov tósbel­gi­simen marapattaldy. Dáýlet SEISENULY. Semeı.