Yntymaqtastyq tereńdeı túsedi

Keshe Aqordada Memleket basshysy Nursultan Nazarbaev Malaızııanyń Syrtqy ister mınıstri Dato Shrı Anıfa Amandy qabyldady. Qabyldaýda ekijaqty yntymaqtastyq máselesi talqylandy, dep habarlady Qazaqstan Respýblıkasy Prezıdentiniń baspasóz qyzmeti. – Birinshi kezekte, men Prezıdentke Malaızııa Premer-mı­nıs­triniń Nursultan Nazar­baev­ty taıaýdaǵy prezıdenttik saı­laýdaǵy tamasha jeńisine oraı shyn júrekti quttyqtaýyn tap­syr­dym, – dedi mınıstr jýrnalısterge bergen suhbatynda. –  Bul jeńis – Qazaqstan halqynyń óz Prezıdentine degen joǵary seniminiń kórinisi. Biz Qazaq­stan­nyń óte qysqa merzimde qol jetkizgen jetistikterine tańdanys­pen qaraımyz. Qazaqstan Táýel­siz­diginiń 20 jyldyǵyn merekeleý aıasynda biz de óz tarapy­myz­dan osy merekeni atap ótýge daıynbyz. Osy 20 jylda sizder jetken jetistikterge qýanysh­ty­myz. Kezdesý kezinde biz, ásirese, saýda jáne ınvestısııa sala­syn­daǵy yntymaqtastyqty odan ári nyǵaıtý máselesin talqyladyq. N.Nazarbaev malaızııalyq kom­panııalardy Qazaqstan nary­ǵyna kirýge, eldi damytýǵa qatysýǵa shaqyrdy, – dedi ol. – Men Qazaqstan men Malaızııa arasyndaǵy qarym-qatynastar keleshekte de damı beretinine senemin. Malaızııada oqyp jatqan 2000-ǵa jýyq qazaqstandyq stýdentter bizdiń qarym-qatynas­tarymyzdy odan ári nyǵaıta tú­setin bolady. Qazaqstan Prezıdentimen jáne Úkimetimen ári qaraı jumys istep, tájirıbe almasyp, ortaq maqsattarǵa qol jetkizgimiz keledi. Qazaqstan IKU-nyń tóraǵasy retinde dana kósh­basshylyǵyn tanytatynyna senemin. О́tken jyly EQYU-ǵa tóraǵa bolǵanyndaı, IKU-nyń tóraǵasy retinde de Qazaqstanda Batys pen Shyǵys arasyndaǵy qarym-qatynastardy nyǵaıtýda úlken múmkindikter bar.