Keshe Syrtqy ister mınıstrliginde atalǵan vedomstvonyń resmı ókili Asqar Abdrahmanov dástúrli aptalyq brıfıngin ótkizdi. Onda jaqyn kúnderge josparlanǵan is-sharalar jóninde málim etildi.
15 maýsymda Uıym qurylýynyń 10 jyldyǵyna oraı, Astanada Shanhaı yntymaqtastyq uıymyna (ShYU) múshe elder Memleket basshylary keńesiniń otyrysy ótkiziledi, dedi A.Abdrahmanov. ShYU-ǵa múshe elder Memleket basshylarynyń keńesi Shanhaı yntymaqtastyq uıymynyń joǵary organy sanalady. Ol ShYU qyzmetiniń basymdyqtaryn anyqtaıdy jáne negizgi baǵyttaryn belgileıdi, onyń ishki qurylysynyń jáne qyzmet etýiniń quramyna kirmeıtin memleketter men basqa da halyqaralyq uıymdarmen yntymaqtastyǵynyń mańyzdy máselelerin sheshedi.
Resmı ókildiń aıtýynsha, ShYU-nyń aldaǵy mereıtoılyq Sammıtiniń jumysy ótken onjyldyq ishindegi ShYU qyzmetiniń nátıjelerin taldaý men uıymnyń aldaǵy damý keleshegin anyqtaýdy kózdemek. Buǵan qosa, Sammıt barysynda búgingi tańdaǵy álemdik jáne aımaqtyq jaǵdaılarǵa baılanysty týyndaǵan máselelerdiń keń aýqymyn talqylaý da josparlanyp otyrǵan kórinedi. Sharanyń qorytyndysy boıynsha ShYU onjyldyǵynyń Astana deklarasııasyn qabyldaý josparlanýda. Astanadaǵy Sammıt aıaqtalǵannan keıin tóraǵalyq tizgini Qazaqstannan QHR-ǵa ótedi, dedi resmı ókil.
Brıfıng barysynda resmı ókil Ipr qalasynda Qazaqstannyń Belgııadaǵy elshiligi jáne jergilikti bıliktiń birlese uıymdastyrýymen ıadrolyq synaqtar qurbandaryna arnalǵan eskertkishtiń ashylý rásimi ótetinine de toqtaldy. Bul sharaǵa Májilis Tóraǵasynyń orynbasary Vladımır Bobrov bastaǵan Qazaqstan Parlamentiniń delegasııasy, Eýropalyq Parlament pen Belgııa Parlamentiniń músheleri, Eýroodaq ınstıtýttarynyń resmı ókilderi qatyspaq eken.
Eskertkish elimizdiń Prezıdenti Nursultan Nazarbaevtyń byltyr qazan aıynda Brıýsselge resmı sapary kezinde Qazaqstan halqy atynan Belgııa halqyna syı retinde tapsyrylǵan. Iаǵnı, bul eskertkish Belgııanyń ataqty murajaılarynyń birinde, Birinshi jáne Ekinshi dúnıejúzilik soǵys oqıǵalaryna arnalǵan Eýropanyń «Flandrııa dalasy» kesheninde ornatylady, dedi bul jóninde A. Abdrahmanov.
Sondaı-aq, brıfıng aıasynda maýsymnyń 16-17-si kúnderi Ispanııa Koroldigi Úkimetiniń Tóraǵasy Hose Lýıs Rodrıges Sapateronyń Qazaqstanǵa resmı saparmen keletini aıtyldy. Bul sapar barysynda Sapateronyń Qazaqstan basshylyǵymen kelissózderi josparlanǵan. Taraptar, sondaı-aq, ekijaqty yntymaqtastyqtyń ár túrli salalaryndaǵy ortaq strategııalyq baǵyttardy da basty nazarda ustamaq. Eki memleket arasyndaǵy saýda-ekonomıkalyq qatynastarǵa jańa serpin berý maqsatynda úkimet basshylarynyń ıspandyq iri kompanııalar ókilderimen kezdesýi de kózdelip otyrǵan kórinedi. Sapar sońynda ekijaqty úkimetaralyq, vedomstvoaralyq kelisimderge jáne kommersııalyq qujattarǵa qol qoıylmaq eken.
Láıla EDILQYZY.