Tótenshe jaǵdaılar mınıstri general-leıtenant Shyńǵys Árinov Qaraǵandy oblysynyń Buqar jyraý aýdanyna jumys sapary barysynda Aqbel aýylynda erikti órtke qarsy quralymnyń ashylýyna qatysty, dep habarlaıdy Egemen.kz.
Jańa nysan aýyldyq eldi mekenderdiń qaýipsizdik deńgeıin arttyrýǵa jáne tótenshe jaǵdaılarǵa jedel den qoıýdy qamtamasyz etýge baǵyttalǵan vedomstvolyq «Aýyl qutqarýshylary» baǵdarlamasynyń bir bóligi boldy.
TJM qutqarý operasııalaryna arnalǵan tórtinshi ushaqty aldy
Tótenshe jaǵdaılar mınıstrliginiń málimetinshe, baǵdarlama aıasynda aýyldyq bólimshege órt sóndirý avtosısternasy, jeke qorǵanys quraldarynyń jıyntyǵy, radıostansııalardy qosa alǵanda zamanaýı baılanys quraldary, sondaı-aq órt sóndirýshiniń jaýyngerlik kıimi berildi. Bul jaraqtandyrý eriktilerge kásibı bólimsheler kelgenge deıin órtterdi tıimdi sóndirýge jáne halyqqa jedel kómek kórsetýge múmkindik beredi.
Ashylý saltanatynda sóz sóılegen Shyńǵys Árinov aýyldyq órtke qarsy quralymdar jelisin damytý TJM jumysynyń basym baǵyttarynyń biri ekenin atap ótti. Baǵdarlamany iske asyrýdyń arqasynda shalǵaı eldi mekenderdiń turǵyndary óz aýyldarynyń qaýipsizdigin qamtamasyz etý úshin qajetti jabdyqtarmen qamtamasyz etilip jatyr, al tótenshe jaǵdaılarǵa den qoıý ýaqyty edáýir qysqaryp otyr.
Qaraǵandy oblysynda baǵdarlamany damytý jumystary jalǵasyp jatyr. 2025 jyldan bastap 13 erikti órt sóndirý beketi quryldy, onyń ishinde renovasııa aıasynda jańǵyrtylǵan 4 nysan bar. Bıyl taǵy 31 erikti órtke qarsy quralym qurý jáne jańartý josparlanǵan. Jobany iske asyrý azamattyq qorǵaý júıesin nyǵaıtýǵa jáne óńirdiń aýyl turǵyndarynyń qaýipsizdik deńgeıin arttyrýǵa yqpal etip otyr.
TJM qyzmetkeri 165 tonnalyq vagondy súırep, rekord jasady