Tórelik tazalyqty talap etedi

Halyq ádildik pen adal­dyq­tyń bastaý alatyn túpqazyǵy dep senetin sot júıesinde sońǵy kezderi birqatar ózgerister boldy. Bul ózgeristerdiń deni sottar ǵana qara qyldy qaq jarady, sybaı­las­tarǵa ymyrasyz soqqy beredi degen adamdardyń úmiti úzile jaz­daǵannan keıin qolǵa alynǵany da belgili. Budan soń memleket aty­nan eń joǵary úkim shyǵaratyn Joǵarǵy sottaǵy «bir qumalaq­tar­dyń» zardaptaryn joıý jańa­dan kelgen basshylyqqa júkteldi. Mine, osy basshylyq aýysymy­nan keıingi tórelikke tyń kúshpen kirisken quramnyń az ýaqyttyń ishinde ne tyndyryp, alǵa qandaı jospar arnap otyrǵandyǵy týra­ly keshe alǵashqy baspasóz másl­ı­hatynda aıtyldy. Qazirgi ýaqytta jalpy sot be­deli­niń oısyrap turǵandyǵyn atal­ǵan máslıhatty ashqan Jo­ǵar­ǵy sot janyndaǵy  Sottardyń qyzmetin qamtamasyz etý depar­ta­mentiniń basshysy Baýyrjan Ju­maǵulov ta jasyrmady. Biraq buǵan qarap sot júıesi mindetin atqara almaı jatyr deý durys emes. Senimge selkeý túskeni anyq. Sondyqtan da kemshilikterdi joıý amaldary dereý qolǵa alyndy. Bul oraıda Memleket basshy­sy­nyń tapsyrmalaryn oryndaý, sot tó­re­ligin júzege asyrýdyń sapa­syn odan ári jaqsartý, sýdıalar qata­ryn kezdeısoq adamdardan aryl­tý úshin Joǵarǵy sot respýb­lı­kanyń árbir sýdıasynyń sot tóre­ligin sapaly jáne merziminde jú­ze­ge asyrýy boıynsha qyz­metin saralaýǵa baılanysty baǵa­laý ju­mysyn jolǵa qoıdy, deıdi Jo­ǵarǵy sottyń jańadan taǵa­ıyn­­dalǵan resmı ókili Oksana Peters. Sóıtip, júrgizilgen monıtorıng barysynda osy qalaı, kemshiligi bar deıtin júzge jýyq sýdıa­ǵa qatysty aqparattar tal­dan­ǵan. Sot saralanýyna salyn­ǵan bir­qa­tar sýdıalar óz erkimen qyz­meti­nen bosatý týraly ótinish­teri negizinde, sondaı-aq tártiptik biliktilik komıssııasy men sot alqa­sy­nyń sheshimderimen ju­mys­tan bosatylǵan. Máselen, Jo­ǵarǵy sottyń 6 sýdıasy sýdıa­ǵa qoıy­la­tyn talaptardy oryn­damaǵany úshin qyzmetinen bosa­tyl­dy. Olar­dyń ishinde Almaz Tashenova men Saılaýbek Jákishevke qatysty qylmystyq is qozǵalyp, sot olarǵa bultartpaý sharasyn qoldaný týraly sanksııa berdi. Al M.Baltabaı, M.Ábilqaıyr,  B.Ja­qypov, M.Qamnazarov sot tóre­ligin júze­ge asyrý kezinde zań buzýshy­lyq­qa  jol bergenderi úshin qyz­met­­terinen ketti. Sol sııaqty  jergilikti sottardyń 35  sýdıasy da qyz­metterimen qosh aıtysty. Al burynǵy densaýlyq saqtaý mınıstri Jaqsylyq Dosqalıevke qatysty qarjy polısııasy qyl­mys­tyq is qozǵaǵany barshaǵa má­lim, dedi resmı ókil. Dos­qalıev­ke qatysty qylmystyq isti qaraý Astana qalasynyń qylmys­tyq ister jónindegi mamandan­dy­rylǵan sotynda 2011 jylǵy 19 mamyrda bastaldy. Sot ashyq jaǵdaıda ótýde.  Bul isti qaraýshy sot qazir jábirlenýshi taraptardy tyńdaý­ǵa daıyndalýda.  Jalpy is bo­ıyn­sha 208 kýáger bar. Jábir­lený­shilerden soń  sot sottalý­shy­lardy  tyńdaý­ǵa kóshedi. Oǵan qosa bul kúnde «Valıýt-Tranzıt Banktiń» burynǵy prezıdenti Andreı Belıaevke qa­tysty eko­nomıkalyq qyzmet sala­syna baı­lanysty is qaralyp, sot tergeýi barysynda kórsetilgen  dá­lel­­de­meler jarııalanyp,  endi úkim aıtý taıap qaldy. Joǵaryda aıtqanymyzdaı, shaı­­qal­ǵan senim men adaldyq pen ádil­dikti qaıta qalpyna keltirý maq­satynda Joǵarǵy sot Tór­aǵa­sy kóp­tegen ıgi amaldardy qolǵa alyp jatqan kórinedi. Sonyń biri ýaqy­t­tyń tyǵyzdyǵyna qaramas­tan aza­mattardy jeke qabyldaý. Azamat­tardy qabyldaý sharasy ádet­tegi­deı ár aıdyń birinshi dúısenbisinde ótkiziletindigin aıtý qajet.   Máse­len, mamyr aıyn­da Bektas Bek­nazarovtyń 7 saǵat­qa sozylǵan al­ǵash azamattardy jeke qabyldaýy boldy. Tóraǵa­nyń qabyldaýyna ke­lý­shilerdiń sanynyń kóptigine baılanysty, sol aıda taǵy da ekinshi kezekten tys qabyldaý ótkizý tý­raly sheshim qabyldandy. Jo­ǵar­ǵy sotta mundaı tájirıbe buǵan deıin bolǵan emes. Jalpy alǵanda mamyr aıynda Joǵarǵy sot Tór­aǵasy 30-dan astam azamatty jeke qabyldaǵandyǵyn atap ótý qajet.   Ár azamattyń suraǵy boıynsha Jo­ǵarǵy sot Tóraǵasy tıisti tapsyr­malar berip, sot isterin saraptap, eger zań buzýshylyq oryn alǵan bol­sa, buzylǵan quqyqtardy qal­py­na keltirýge baǵyttalǵan sharalar qabyldaýǵa naqty tapsyrmalar bergen. Sóıtip Joǵarǵy sot árbir sýdıa áýeli jurtqa tórelik jasaı alýy úshin sot abyroıynyń taza­lyǵyn qolǵa myqtap alypty. Aleksandr TASBOLATOV.