Burhansaıdyń tańbaly tastary

Jartastaǵy jazý­lardyń tarıhyna tereń boılaǵan mamandar petroglıfter biz­diń zamanymyzǵa deıingi 4 myń jyl buryn salynǵan degendi alǵa tartyp otyr. Jýaly aýdanynyń ortalyǵy Baýyrjan Momyshuly aýylynan 50–60 shaqyrym jerde ornalasqan Burhansaı shatqaly 8 shaqyrymǵa sozylyp jatyr. Mundaǵy tarıhı jazýlar qola dáýirinen bastap temir, túrki kezeńine deıingi ýaqytty qamtıdy.

 Mamandar keltirgen derekke júginsek, Jýaly taýlarynda alǵash ret 54 jyl buryn keńestik arheologter petroglıfterdi zerttepti. Al Kúrkireýsý aýyly mańyna 2006 jyly Turan arheologııalyq ekspedısııasy alǵash ret at basyn burǵan. Sol kezde birshama tańbaly tasty kezdestirgen. Alaıda ol kezde shatqal qoınaýyndaǵy tarıhı baılyq tolyq zerdelenbepti. Atalǵan jumysty jalǵastyrýdy jón kórgen ǵalymdar myńnan astam jartastaǵy sýrettermen tanysqan. 

«Mundaǵy biregeı sýret­terdiń ǵylym úshin mańyzy zor. Jergilikti nemese res­pýblıkalyq mańyzy bar eskert­kishterdiń qataryna engizil­megen. Endigi mindet, ǵylymı ortada jáne ózge keńistikte keńinen tanytý. Sol baǵytta jumylǵan ju­dyryqtaı bir­lesip jumys isteýimiz kerek», deıdi Á.Marǵulan atyndaǵy arheologııa ınstıtýtynyń ǵylymı qyzmetkeri Eraly Aqynbek.

Shatqaldaǵy taý eshkilerdiń beınesi kózge ottaı basylady. Buǵy aýlaý beınesi men órkeshti túıelerdiń de jıi ushyrasatynyn baıqaý qıyn emes. Ol áreket­terdi mamandar saq dáýiri jáne qańly kezeńimen sabaqtastyryp otyr.

«Mundaǵy tańbalardyń ózindik tereń tarıhy bar. Sondyqtan olardy jeti kezeńge bólip otyrmyz. Asa ózeni men Terisashybulaq sý qoımasynyń araly­ǵyn, sondaı-aq Maımaqqa deıingi ara­lyq­ty qaıta zerde­leı­miz. Tek Bur­hansaı shatqalymen toqtamaımyz. Aldaǵy ýaqytta Syrdarııa-Qarataý boıyn­daǵy eskert­kishter men qo­rym­dardy tolyq­taı zertteý­ge kirisemiz. Qysqasy, tas ǵasy­rynan qazirgi kezeńge deıingi tarıhı oryndardy memle­ket qorǵaýyna alý boıynsha jumystanamyz», deı­di Á.Mar­ǵulan atyn­daǵy ǵylymı arheo­logııa ınstı­týtynyń jetekshi ǵyly­mı qyzmetkeri Borıs Jeleznıakov.