Pavlodar oblysyndaǵy Aqtoǵaı aýdanynyń prokýratýrasy aýmaǵynda sý obektileri men sý qorǵaý aımaqtary ornalasqan aýyl sharýashylyǵy maqsatyndaǵy jer ýchaskelerin zańsyz berý áreketiniń joly kesildi, dep habarlaıdy Egemen.kz.
Oblys prokýratýrasynyń málimdeýinshe, tekserý barysynda tushy jáne tuzdy kólder, sondaı-aq tuz óndirýge paıdalanylatyn sý aıdyndary ornalasqan 3 jer ýchaskesiniń konkýrsqa shyǵarylǵany anyqtaldy. Alaıda konkýrs qujattamasyn ázirleý kezinde memlekettik organ tarapynan arnaıy rásimderdi ótkizýdi jáne qajetti kelisimderdi alýdy kózdeıtin Sý kodeksiniń mindetti talaptary saqtalmaǵan.
82 mln teńge: Aqmolada jer telimi memleketke qaıtaryldy
«Nátıjesinde múddeli tulǵalarǵa tek jer ýchaskelerine ǵana emes, jalpy aýmaǵy 60 gektardan asatyn, erekshe mańyzǵa ıe jáne memleket qorǵaýyndaǵy sý resýrstaryna da qol jetkizý múmkindigin berý áreketi jasalǵan.
Prokýrorlyq qadaǵalaý aktisi boıynsha zańsyz konkýrs nátıjeleri joıylyp, anyqtalǵan zań buzýshylyqtar joıyldy. Tabıǵı resýrstardy utymdy paıdalaný salasyndaǵy memlekettik múddeler qorǵaldy», delingen habarlamada.
Kináli laýazymdy tulǵalar tártiptik jaýapkershilikke tartyldy.
Buǵan deıin ShQO-nyń Katonqaraǵaı aýdanynyń prokýratýrasy aýyl sharýashylyǵy maqsatyndaǵy jerlerdi tıimsiz paıdalaný faktilerin anyqtaǵany týraly habarlaǵan edik.