Pavlodar oblysynda jol qozǵalysy qaýipsizdigin qamtamasyz etý salasyndaǵy quqyqbuzýshylyqtyń aldyn alý jáne olardyń jolyn kesý, sondaı-aq kólik quraldaryn kórineý jalǵan memlekettik tirkeý nómirlik belgilerimen basqaratyn júrgizýshilerdi anyqtaý maqsatynda osy aıdyń 10-14 kúnderi aralyǵynda «Jalǵan nómir» respýblıkalyq jedel-profılaktıkalyq is-sharasy ótkizilip jatyr, dep habarlaıdy Egemen.kz.
Pavlodar oblysy polısııa departamenti ákimshilik polısııa basqarmasynyń bastyǵy Bákibaı Ahmedııanov atqarylǵan is-sharalaraǵa toqtalyp ótti.
«Is-sharanyń alǵashqy kúniniń ózinde polısııa qyzmetkerleri jol qozǵalysy erejelerin buzýdyń 152 deregin anyqtady. Onyń ishinde jalǵan nómir ornatýdyń 2 faktisi jáne jalǵan nómirmen kólik basqarýdyń 4 faktisi tirkeldi. Sondaı-aq 21 júrgizýshi oqylmaıtyn memlekettik nómirmen júrgen, 6 júrgizýshi qarsy qozǵalys jolaǵyna shyqqan, al 9 adam kólikti mas kúıinde basqarǵan. Ártúrli quqyqbuzýshylyqtar úshin 23 kólik quraly arnaıy turaqqa qoıyldy», deıdi Bákibaı Ahmedııanov.
Jalǵan nómir taqqandar endi túrmege jabyla ma? Depýtat qylmystyq jaýapkershilik engizýdi usyndy
Polisia.kz málimetinshe, Eńbek aýylynda patrýldik polısııa qyzmetkerleri VAZ avtokóliginiń júrgizýshisin toqtatty. Tekserý barysynda onyń kólikti jalǵan memlekettik tirkeý nómirimen basqarǵany anyqtaldy. Quqyq buzýshy ákimshilik jaýapkershilikke tartylyp, kóligi mamandandyrylǵan aıyp turaǵyna qoıyldy.
Polısııa jalǵan nemese qoldan jasalǵan memlekettik tirkeý nómirlerin paıdalaný – qoǵamdyq qaýipsizdikke qater tóndiretin aýyr quqyq buzýshylyq ekenin eske salady.
Buǵan deıin bıyl qańtar aıynda elimizde jalǵan nómirmen júrgen 900-den astam júrgizýshi ustalǵany týraly habarlaǵan edik.