Atyraý oblysynda bir otbasynyń ólimine qatysty qylmystyq is boıynsha sot prosesi jalǵasyp jatyr. Is boıynsha aıyptalýshy Sultan Sársemalıev sot otyrysynda oqıǵaǵa qatysty óz nusqasyn baıandady, dep habarlaıdy Egemen.kz.
Sotta aıyptalýshy Naýryz Muqanǵalıev pen Meıramgúl Qarabalındi qalaı óltirgenin aıtty.
«Naýryz birden ólgen joq. Mende alǵash ret osyndaı jaǵdaı boldy, men tipti mal da soıyp kórmeppin», dedi ol.
Sársemalıev sondaı-aq polısııany shaqyrý týraly oılanǵanyn, biraq otbasylyq jaǵdaıyna baılanysty sheshim qabyldaı almaǵanyn málimdedi.
«Shynymdy aıtsam, polısııa shaqyrǵym keldi, biraq meniń bes balam bar, eń kishisi ol kezde 4 aılyq edi. Áıelim olarǵa qaraı almaıdy. Sodan ne isterimdi bilmeı júrdim», dedi Sultan Sársemalıev.
Eske sala keteıik, buǵan deıin sot barysynda aıyptalýshy keıbir epızodtar boıynsha kinásin ishinara moıyndaǵanymen, aıyptaýdyń birqatar tarmaqtarymen kelispeıtinin jetkizdi.
Sondaı-aq, sotta Sultan Sársemalıevke qatysty jańa vıdeo dálel kórsetilgen bolatyn. Kadrlarda Sultan Sársemálıevtiń lombardqa altyn buıymdardy ótkizip jatqan sáti beınelengen.