Ońtústik Koreıa soty eldiń burynǵy prezıdenti Iýn Sok Ioldi áskerı drondardy Phenıan áýe keńistigine jiberýge buıryq bergeni úshin kináli dep tanyp, ony 30 jylǵa bas bostandyǵynan aıyrdy, dep habarlaıdy Egemen.kz.
Yonhap agenttiginiń málimdeýinshe, Seýl ortalyq aýdandyq soty Iýn Sok Ioldi drondardyń QHDR áýe keńistigin buzýyna buıryq bergeni úshin «jaýǵa járdemdesý» jáne «qyzmettik ókilettigin asyra paıdalaný» baptary boıynsha kináli dep tanydy.
Sottyń sheshimine sáıkes, 2024 jyldyń qazan aıynda Iýn Sok Iol drondardyń Phenıan ústinen ushýyn uıymdastyrýǵa nusqaý bergen, osylaısha Soltústik Koreıa tarapyn arandatqan.
Burynǵy prezıdent 30 jylǵa sottaldy. Onyń advokattary sot sheshimine shaǵym túsiretinderin málimdedi.
Atalǵan is sheńberinde burynǵy qorǵanys mınıstri Kım Ion Hıon de 30 jylǵa bas bostandyǵynan aıyryldy.
Ońtústik Koreıa prezıdenti tutqyndaldy
Aıta keteıik, 2024 jylǵy 3 jeltoqsanda sol kezdegi prezıdent Iýn Sok Iol oppozısııany «memleketke qarsy áreketpen» aıyptap, elde áskerı jaǵdaı engizdi. Alaıda Ulttyq jınalys bul sheshimniń kúshin joıýǵa daýys bergennen keıin, ol engizilgen sharalardan bas tartýǵa májbúr boldy.
2024 jylǵy 14 jeltoqsanda parlament oǵan ımpıchment jarııalaý týraly daýys berip, sonyń nátıjesinde Iýn Sok Iol qyzmetinen ýaqytsha shettetildi.
2025 jylǵy 4 sáýirde Ońtústik Koreıanyń Konstıtýsııalyq soty parlamenttiń ótinishin qanaǵattandyryp, ony qyzmetinen túpkilikti shettetý týraly sheshimdi bekitti.
Eske salaıyq, 2026 jyldyń bastapqy tusynda Ońtústik Koreıanyń eks-prezıdenti Iýn Sok Elge qatysty úkim shyǵarylyp, ot sheshimine sáıkes, ol 5 jylǵa bas bostandyǵynan aıyrylǵan bolatyn.