Kaspıı qubyr konsorsıýmy (KQK) bıyl mamyr aıynda munaı tasymaldaý kólemin rekordtyq deńgeıge deıin arttyrǵan. Mamyrda qubyr arqyly 7,187 mıllıon tonna munaı (táýligine 1,83 mıllıon barrel) eksporttalǵan. Salystyrmaly túrde sáýir aıynda bul kórsetkish 6,314 mıllıon tonna (táýligine 1,67 mıllıon barrel) bolǵan, dep habarlaıdy Egemen.kz.
Reıter agenttiginiń málimetinshe, konsorsıým 2026 jylǵy maýsym aıyna arnalǵan CPC Blend munaıynyń eksport josparyn burynǵy táýligine 1,45 mıllıon barrelden 1,7 mıllıon barrelge deıin (aıyna shamamen 6,5 mıllıon tonna) ulǵaıtty. Bul sheshim Qashaǵan ken ornyndaǵy jóndeý jumystarynyń 2027 jylǵa aýystyrylýyna jáne Teńizdegi óndiristiń qalpyna kelýine baılanysty qabyldanǵan.
Sonymen qatar Qazaqstan 1 mamyrdan bastap Germanııaǵa munaı eksportyn toqtatyp, bosap qalǵan kólemderdi KQK júıesine baǵyttady.
Qazaqstan munaı eksportynyń balamaly baǵyttaryn keńeıtýdi qarastyryp jatyr
KQK 2026 jyly munaı tıeý kólemin 72 mıllıon tonnaǵa deıin jetkizýdi josparlap otyr. 2025 jyly bul kórsetkish 70,5 mıllıon tonna bolǵan.
Qazaqstan eksporttaıtyn munaıdyń 80%-dan astamy KQK arqyly tasymaldanady. Onyń negizgi bóligi Kaspıı mańyndaǵy iri ken oryndary – Teńiz, Qashaǵan jáne Qarashyǵanaq ken oryndarynan óndiriledi.
Buǵan deıin Qazaqstanda jylyna 10 mln tonna munaı óńdeıtin tórtinshi zaýyt salynatyny týraly aıtylǵan.