Qazaqstan aýmaǵynda aldaǵy demalys kúnderi kún raıy qubylmaly bolady. «Qazgıdromet» sınoptıkteri maýsymnyń 13-i men 15-i aralyǵyna arnalǵan resmı boljamdy jarııalady, dep habarlaıdy Egemen.kz.
Elimizdiń basym bóligine atmosferalyq frontaldy bólinister áser etip, jańbyr men naızaǵaı kútiledi. Sondaı-aq aldaǵy kúnderi elimizdiń birneshe oblysynda jaýyn-shashyn mólsheri normadan asyp, sońy daýylǵa ulasýy múmkin.
13 jáne 15 maýsymda Qostanaı oblysynda, al 15 maýsym kúni Mańǵystaý, Soltústik Qazaqstan jáne Aqmola oblystarynda jaýyn-shashyn kútiledi.
Al 15 maýsymda eldiń ońtústik-batysynda, sondaı-aq úsh kún boıy soltústik jáne soltústik-batys óńirlerde burshaq jaýyp, jel kúsheıedi dep boljanǵan.
Sonymen qatar sınoptıkter birneshe aımaqta aýa temperatýrasynyń kúrt kóterilip, óte ystyq bolatynyn boljap otyr.
Úsh kún boıy (13-15 maýsym) Shyǵys Qazaqstan jáne Abaı oblystarynda, 14 jáne 15 maýsym kúnderi Qaraǵandy, Jambyl, Almaty jáne Jetisý oblystarynda, 15 maýsymda Atyraý oblysynda synap baǵanasy +35…+38 gradýsqa deıin jetedi.
Eske sala keteıik, «Qazgıdromet» usynǵan boljamǵa sáıkes, maýsym jáne tamyz aılary ádettegiden ystyq bolady. Qazaqstan aýmaǵynda aýa temperatýrasy klımattyq normadan 1-2 gradýsqa joǵary bolýy múmkin. Eldiń ońtústiginde keı kúnderi aýa temperatýrasy +45 gradýsqa deıin kóteriledi.