Astanada «AMANAT» partııasynyń kezekti Sezi ótti. Onyń qorytyndysy boıynsha partııa músheleri memleketti damytý baǵytynda atqarylǵan jumys nátıjesin qorytyndylap, «Ádilet» partııasyna qosylý ıdeıasyn qoldady. Bul sheshim Memleket basshysynyń el damýynyń jańa kezeńinde barlyq progressıvti qoǵamdyq-saıası kúshterdi jalpyulttyq qundylyqtar men maqsattar tóńireginde toptastyrý týraly úndeýine qoldaý kórsetý maqsatynda qabyldandy, dep habarlaıdy Egemen.kz
Sezd jumysyna Qazaqstannyń barlyq óńirinen kelgen delegattar, Saıası keńes músheleri, Parlament depýtattary, «Jastar Rýhy» jastar qanatynyń belsendileri qatysty. Jalpy sany 1500-den astam adam bas qosty.
О́z sózinde, Májilis Spıkeri, «AMANAT» partııasynyń Tóraǵasy Erlan Qoshanov Prezıdent Qasym-Jomart Toqaevtyń tabysty júzege asyrylyp jatqan reformalary búginde jańa qoǵamnyń irgetasy men memlekettiń jańa kelbetin qalyptastyryp jatqanyn atap ótti. Onyń aıtýynsha, qazirgi tańda táýelsizdikti nyǵaıtý, halyqtyń ál-aýqaty men birligi, ult tutastyǵy sekildi basty qundylyqtar aldyńǵy qatarǵa shyqty. Memleket basshysynyń batyl sheshimderi arqyly bıliktiń barlyq ınstıtýty túbegeıli jańǵyryp, saıası básekelestik kúsheıdi, al qoǵam naqty sheshimder qabyldaý úderisine yqpal etetin senimdi daýysqa ıe boldy.
Májilis Tóraǵasy bul úderisterdiń sharyqtaý shegi ári Prezıdent Qasym-Jomart Toqaev ustanǵan saıasattyń shynaıy jeńisi retinde jalpyulttyq referendýmda qazaqstandyqtardyń basym kópshiligi qoldaǵan jańa Konstıtýsııanyń qabyldanýyn atady. Búginde elimiz jańa tarıhı dáýirge qadam basty. Onyń negizinde adam, ádildik, zań jáne progress qaǵıdattary jatyr.
«Qazir biz ýaqyt talabyna, memleket múddesine jáne qoǵam suranysyna saı keletin qadam jasaýymyz kerek. Búginde elimiz bólinýge emes, birigýge umtylýy qajet. Sondyqtan osy jaýapty kezeńde óz resýrstarymyzdy jańa saıası kúsh – «Ádilet» partııasyna qosýymyz kerek. Osylaısha, birtutas prezıdenttik baǵyttaǵy saıası kúsh quramynda Ádiletti ári Progressıvti Qazaqstandy birge qurýdy jalǵastyramyz. Biz óz qaǵıdattarymyzdan, ustanymdarymyzdan jáne ıdeıalarymyzdan bas tartpaımyz. Kerisinshe, olardy odan ári kúsheıtip, múmkindikterin keńeıtip, jańa damý deńgeıine kóteremiz», dedi Erlan Qoshanov.
«AMANAT» Tóraǵasy bul sheshimdi partııanyń barlyq deńgeıdegi músheleri qoldaǵan tabıǵı ári kemel saıası úderis dep atady.
«AMANAT – babalar amanaty ári bolashaq urpaq aldyndaǵy jaýapkershilik. Ádilet – qýatty ári zamanaýı memlekettiń negizi sanalatyn ádildik. Osy qundylyqtardy biriktire otyryp, qoǵamdyq birlikti nyǵaıtamyz. Túptep kelgende, bárimizdiń maqsatymyz ortaq – qýatty Qazaqstan, gúldengen memleket jáne árbir azamattyń ál-aýqaty. Biz dál osy maqsat jolynda qabyldap otyrǵan sheshimimizdi joldyń sońy emes, ortaq tarıhymyzdyń jańa taraýynyń bastaýy dep bilemiz», dedi Erlan Qoshanov.
Sezde Memleket basshysynyń saıası baǵytyna qoldaý kórsetý boıynsha partııa tarapynan atqarylǵan aýqymdy jumys qorytyndylandy.
Reformalardy zańnamalyq turǵydan qoldaý máselesi týraly Májilis depýtaty, «AMANAT» partııasy parlamenttik fraksııasynyń jetekshisi Aıdos Sarym baıandady. Osy shaqyrylym barysynda bastamashylyq etilgen 118 zań jobasynyń 104-in «AMANAT» fraksııasynyń depýtattary ázirledi. Bul – barlyq zańnamalyq bastamalardyń 88 paıyzy. Atalǵan zań jobalary el damýynyń eń ózekti máselelerin sheshýge baǵyttaldy. Sonymen qatar depýtattar kóptegen depýtattyq saýaldar joldap, júzdegen myń azamatty qamtyǵan myńdaǵan kezdesý ótkizdi.
Bolashaq úshin kúsh biriktirý: «AMANAT» sezi «Ádilet» partııasyna qosylýdy qoldady
Prezıdent saıasatynyń negizgi qozǵaýshy kúshiniń biri retinde partııa áleýmettik jobalar arqyly qoǵamdaǵy eń ózekti máselelerdi júıeli túrde sheship keldi. Máselen, «Qaryzsyz qoǵam» jobasy 1,5 mln adamnyń shamadan tys qaryz júktemesimen kúresýine kómektesti. «Aýyl amanaty» baǵdarlamasy 2,5 paıyz mólsherlemesimen mıkronesıeler berý arqyly aýyldyq jerlerde ondaǵan myń jańa jumys ornyn ashýǵa múmkindik berdi. «Jer amanaty» jobasy aıasynda 15 mıllıon gektar jer memleket pen halyqqa qaıtaryldy. «Sıfrlyq qoǵam» jobasy memlekettik organdardy, IT-qoǵamdastyqty jáne eriktilerdi biriktirip, barlyq óńirde sıfrlyq saýattylyqty arttyrýǵa yqpal etti. Al «TURGYNDAR AMANATY» turǵyndar men memlekettik organdar arasynda turǵyn úı-kommýnaldyq sharýashylyq salasyndaǵy máselelerdi sheshýge baǵyttalǵan tikeleı dıalog ornatty.
Úsh jyl ishinde «Halyqpen birge!» saılaýaldy baǵdarlamasynyń 70 paıyzy oryndaldy. Atap aıtqanda, 600 jańa mektep salyndy, memlekettik qyzmetshilerdiń, dárigerler men mádenıet salasy qyzmetkerleriniń jalaqysy kóterildi, ınsýlttik jáne kardıologııalyq ortalyqtar ashyldy, tegin skrınıng baǵdarlamalary iske qosyldy. Kásibı qaýymdastyqtarmen júrgizilgen tikeleı dıalogtyń nátıjesinde muǵalimder ózderine tán emes mindetterden zańnamalyq turǵydan bosatylyp, aýyldyq jerlerge jumysqa baratyn dárigerler úshin 10 mıllıon teńgege deıin kóterme járdemaqy engizildi.
«AMANAT» partııasynyń qazirgi qyzmetin qorytyndylaý aıasynda delegattar aldynda óńirlerdiń, áıelder jáne jastar qanattarynyń ókilderi sóz sóıledi.
Áıelder qanatynyń teń tóraǵasy, Májilis depýtaty Únzıla Shapaq partııanyń jańa Konstıtýsııany ilgeriletý isine atsalysýǵa jáne memlekettik basqarýdaǵy áıelderdiń rólin kúsheıtýge erekshe nazar aýdardy. Májilis depýtaty Nursultan Baıtilesov Prezıdenttik jastar kadr rezerviniń tıimdiligin jáne jas parlamentarıılerdiń IT-saladaǵy zań shyǵarý jumysyna qosqan úlesin atap ótti.
«Onkoortalyq» BPU jetekshisi Gúlmıra Saǵıdýllına aýyl turǵyndaryna arnalǵan «AMANAT Kerýeni» kóshpeli medısınalyq ekspedısııasynyń iske qosylǵany týraly baıandady. Pavlodar oblystyq máslıhatynyń tóraǵasy Ilıa Terenchenko Prezıdent baǵytyn qoldaıtynyn jáne jergilikti jerlerde kúsh-jigerdi biriktirýdiń mańyzyn atap ótti. Al Ortalyq baqylaý-tekserý komıssııasynyń múshesi Álibek Qadyrbekov partııanyń ishki jańǵyrý jumysyn qorytyndylap, partııaishilik úderister sıfrlandyrylǵanyn habarlady.
«Ádilet» partııasy Memleket basshysynyń reformalaryn qoldaıtynyn málimdedi
Sezd jumysyn qorytyndylaı kele, delegattar «Ádilet» partııasyna qosylý týraly strategııalyq sheshimdi biraýyzdan qoldap daýys berdi. Sezd maquldaǵan bul bastama partııa qaýymy eldiń jasampaz damý baǵyty men Prezıdenttiń strategııalyq saıasatyn qoldaý úshin birtutas ári toptasqan alań retinde áreket etýge daıyn ekenin kórsetti.