Elimizde doktorantýrany grantpen bitirgen azamattar mektepter men basqa da bilim berý uıymdarynda eńbek etip, mindetti jumys óteý merzimin óteı alady. Bul týraly Májilis depýtaty Ashat Aımaǵambetov málimdedi, dep habarlaıdy Egemen.kz.
Buryn doktoranttar oqý bitirgen soń joǵary oqý oryndarynda, ǵylymı ınstıtýttarda nemese memlekettik organdarda jumys isteýge mindetti bolatyn. Olar zańnamalyq normalarǵa sáıkes bilim ordalarynda jumys isteýge bara almaıtyn. Tıisinshe, mekteptegi jumys mindetti óteý merzimi retinde eseptelmeıtin.
Májilis depýtatynyń aıtýynsha, bul ózgerister mektepter men bilim berý uıymdaryn myqty kadrlarmen qamtamasyz etýge baǵyttalǵan.
«Túlekterge tańdaý beriledi. Olar tek joǵary oqý oryndarymen shektelmeı, orta bilim berý salasynda da kedergisiz qyzmet ete alady. Ondaǵy jumys óteý merzimi zańdy túrde tolyq esepteledi. Osy arqyly balalarymyz zamanaýı zertteýshilerden tikeleı dáris alady», dep jazdy depýtat áleýmettik jelidegi jazbasynda.
Nazarbayev University doktorantýraǵa 200 grant bóledi
Buǵan deıin Májilis depýtaty Ashat Aımaǵambetov shyǵarmashylyq jáne tildik mamandyqtar boıynsha doktorantýraǵa túsý talaptary ózgergenin aıtqan edi. Osy arqyly elimizde birqatar bilim berý baǵdarlamasy boıynsha doktorantýraǵa túsý úshin shet tilin meńgergenin rastaıtyn sertıfıkat alynyp tastaldy.