Astanada Phygital Contenders 2026 týrnıriniń ekinshi kúni aıaqtaldy

Kvalıfıkasııalyq jarystyń kelesi kezeńine qatysý quqyǵy úshin komandalar Phygital Football, Phygital Basketball jáne Phygital Dancing sekildi úsh baǵytta ózara baq synady. Jarys kúniniń qorytyndysy boıynsha komandalyq týrnırlerdiń kelesi kezeńine qatysýshylar jáne bı baǵytyndaǵy alǵashqy absolıýtti chempıon anyqtaldy.

PHYGITAL FOOTBALL

Toptyq kezeń segiz matchtan turdy, olar irikteý serııalaryna jáne jeńimpazdar matchyna bólindi.

Irikteý serııalary (Elimination Matches):

A toby: Lahore Athletics FC klýby Panther Phygx komandasyn jalpy 5:2 esebimen jeńdi. Komanda sıfrlyq kezeńde 3:0 esebimen jeńiske jetip, fızıkalyq alańdaǵy 2:2 tepe-teńdigin óz paıdasyna sheshe aldy. B toby: Noname Club komandasy FC Royal Haki-di 9:3 esebimen utty. Jeńimpazdar sıfrlyq kezeńdi 6:2, al fızıkalyq kezeńdi 3:1 esebimen aıaqtap, eki kezeńde de basym boldy. C toby: Eki dúrkin chempıon JR Style komandasy Misa Esports-ty jalpy 8:1 esebimen oısyrata jeńdi. Komanda sımýlıatorda 5:1 esebimen utyp, naqty alańdaǵy tabysyn 3:0 esebimen bekemdedi. D toby: FC Olympic Phygital klýby FC Ararat-Armenia komandasyn 4:2 esebimen jeńdi. Sıfrlyq bólikte 1:1 tepe-teńdiginen keıin, FC Olympic Phygital oıynshylary fızıkalyq kezeńde 3:1 esebimen basym tústi.

Jeńimpazdar matchy (Winners' Matches):

A toby: Team Cyprus komandasy Los Fieles-ti 6:2 esebimen jeńdi. Team Cyprus komandasynyń qaqpashysy aıyp alańynyń syrtynda dopty qolmen ustaǵany úshin alańnan qýylǵanyna qaramastan, komanda basymdyqty saqtap, match sońynda dál soqqymen jeńisti bekitti. B toby: Skoljke Katic komandasy Oeste SP-di mınımaldy basymdyqpen utty. Sıfrlyq kezeńdegi 0:0 esebinen keıin, Skoljke Katic fızıkalyq teketireste 3:2 esebimen jeńiske jetti. C toby: NS Team komandasy MNK klýbyn 6:2 esebimen jeńdi. Klýb sıfrlyq kezeńde 2:0 esebimen jeńip, naqty alańda artyqshylyǵyn arttyra tústi. D toby: ACF x Allur komandasy KMF Titograd-ty 5:2 esebimen utty. Alań ıeleri ACF x Allur sıfrlyq kezeńdi 2:0 esebimen aıaqtap, fızıkalyq matchty 3:2 esebimen óz paıdasyna sheshti. PHYGITAL BASKETBALL

Basketbol baǵytynda segiz kezdesý ótti. Jarys kúniniń qorytyndysy boıynsha Triada, MINSK, Vozdovac jáne ZM NITUI klýbtary kósh bastady.

M NITUI klýby Team Elites komandasyn 36:27 esebimen utty. BOCA komandasy qosymsha ýaqytta GEPCO-dan 38:29 esebimen basym tústi. MINSK klýby Triada ujymyn bir upaı aıyrmashylyǵymen (28:27) artta qaldyrdy. Triada klýby Valencia Basket komandasyn 40:32 esebimen jeńdi. ZM NITUI ujymy BOCA klýbyn 33:30 esebimen tize búktirdi. Vozdovac klýby Team Elites komandasynan 36:27 esebimen basym tústi. Triada quramy ARENA BULLS klýbyn 38:28 esebimen qapy qaldyrdy. MINSK klýby UZBEK HYPER HOOPS ujymyn 40:21 esebimen iri eseppen jeńdi. PHYGITAL DANCING

Comfort Hotel Astana qonaqúıinde fıdjıtal-bıden fınaldyq jarystar ótti. Týrnır Best of Three júıesi boıynsha uıymdastyryldy.

Birinshi jartylaı fınalda Sagdiyana ekinshi raýndta 1000 upaı aıyppul tólenýine qaramastan, Susan Huertas-ty 2:1 esebimen jeńdi. Ekinshi jartylaı fınalda Andres Guardo, Sergio Mayta-ny 2:1 esebimen utty. Úshinshi oryn úshin ótken matchta Susan Huertas, Sergio Mayta-ny 2:0 esebimen jeńip, qola júldeni ıelendi. Gran-fınalda Andres Guardo, Sagdiyana-ny 2:1 esebimen jeńip, dıssıplına chempıony atandy.

 Phygital Dancing baǵytyndaǵy oryndar:

Andres Guardo Sagdiyana Susan Huertas Sergio Mayta 

Eskek esý: Bizdiń jigitter halyqaralyq jarysta altyn men kúmis ıelendi

BOLAShAQ OIYNDARY

Phygital Contenders Astana 2026 týrnıri Astanada ótetin maýsymnyń basty oqıǵasy – Bolashaq oıyndary 2026 (Games of the Future 2026) týrnırine resmı irikteý kezeńi mártebesine ıe. Jarystar sıfrlyq jáne fızıkalyq pánderdi biryńǵaı upaı júıesi aıasynda biriktiredi. Uıymdastyrýshylar bul baǵytty Phygital International jáne Dúnıejúzilik Phygital qaýymdastyǵynyń (WPC) qoldaýymen damytýda. Phygital Contenders serııasyndaǵy týrnırlerde sátti óner kórsetý komandalarǵa Bolashaq oıyndary 2026 (GOTF 2026) jarysyna qatysýǵa úmitker bolý múmkindigin beredi.

Aıta keteıik, týrnırdiń ótkizilý kúnderi 10-14 maýsym, baǵyttary – fıdjıtal-fýtbol, fıdjıtal-basketbol, fıdjıtal-bı. Uıymdastyrýshy: «Qazsportınvest» AQ, quqyq ıesi: Phygital International.