О́ńirlik máslıhat máresine jetti

Erevan qalasynda (Armenııa) TMD, Ortalyq jáne Shyǵys Eýropa elderiniń «Neǵurlym áljýaz balalardyń quqyǵyn qam­tamasyz etý» taqyrybynda óńirlik parlamenttik kon­fe­ren­­sııasy bolyp ótti, dep habarlady Májilistiń baspasóz qyzmeti. Atalǵan is-sharaǵa Qazaqstan tarapynan Parlament Májilisi­niń Áleýmettik-mádenı damý ko­mıtetiniń múshesi, «Nur Otan» HDP múshesi, «Nur Otan» depý­tattyq fraksııasy tóralqasynyń múshesi Maıra Aısına qatysty. Parlamenttik konferensııany Armenııa Ulttyq jınalysynyń tóraǵasy O.Abramıan ashyp, júr­gizip otyrdy. Serbııa, Túrki­men­stan, Moldova, Horvatııa jáne TMD men Ortalyq jáne Shyǵys Eýropanyń basqa elderiniń kon­fe­rensııaǵa qatysýshy parlamentshileri balalardyń quqyqtaryn qor­ǵaý salasyndaǵy parlamenttik qyz­metpen baılanysty másele­ler­diń keń aýqymyn qarady. Atap aıtqanda, bular – balalardyń qu­qyqtary jónindegi halyqaralyq jáne óńirlik zańnamalar, bala­lar­dyń erte jetilýi, erte jetilý baǵdarlamasyn qarjylandyrý, sondaı-aq, balalardy zorlyq-zom­bylyqtan qorǵaý máseleleri. Konferensııa barysynda M.Aısına qatysýshylardy Qazaq­stan Parlamenti men Úkimetiniń Qazaqstandaǵy balalardyń qu­qyq­taryn qorǵaý salasyndaǵy qyz­metimen, sondaı-aq, bizdiń elimizdegi bastapqy balalyq shaqty ınvestısııalaý máselelerimen ta­nystyrdy. Sodan soń balalardyń erte jetilýi jáne olardyń quqyq­tary men múddelerin qorǵaýmen baılanysty máselelerdiń keń aýqymy boıynsha TMD men Ortalyq jáne Shyǵys Eýropa mem­leketteri parlamentteri ókil­derimen pikir almasý boldy.