Iske qosyldy!

Aqmola oblysynyń ákimi Sergeı Dıachenkonyń qatysýy­men ashylǵan zamanalyq eki birdeı jańa kásiporyn el ıgiligine qyzmet ete bastady. Kókshetaý qalasyndaǵy «ASAD company» JShS-niń qaǵaz súlgileri men gıgıenalyq buıymdar zaýytyna jurtshylyq aıryqsha kóńil aýda­ryp otyr. Másele onyń Qazaq­stannyń soltústigindegi tuńǵysh óndiris oshaǵy bolýynda ǵana emes, astanalyq oblystyń kez kel­gen ındýstrııalyq-ınnovasııa­lyq jobany qolǵa alýdaǵy qa­rym-qýatynyń artqandyǵynda ekendigin atap kórsetkimiz keledi. Tolyq kompıýterlik júıedegi jeliniń tetigi iske qosylysymen ádemi oramdaǵy buıymdar áp-sát­te myń danalyq taqtashany tol­tyryp tastady. «Sheteldik ozyq qondyrǵylar men tehnologııanyń qaıtarymy (jalpy ınvestısııa 67,1 mln. teńge) molynan bola­tyn­dyǵy qazirdiń ózinde aıqyn­dalyp qaldy, deıdi zaýyt dı­rek­tory Asqar Mýlkın. Kásiporyn jylyna 5,4 mıllıon dana ónim shyǵara alady. Import almas­ty­rý baǵytyndaǵy umtylystary­myz ta­bysty bolady degen úm­it­temiz. Qazirdiń ózinde Astana, Petropavl, Qostanaı jáne basqa qa­la­lardaǵy áriptesterimizben ke­lisim shart túzildi. Jańa zaýyt joǵary sapa úshin kúresetini an­yq. Uj­ym­daǵy 30 adam bul mindettiń úde­sinen shyǵatynyna senimdimin». Jyl basynda, «Egemenniń» men­shikti tilshisimen suhbat bary­syn­da aýdan ákimi Erbol Saǵdıev Zerendini donor aýdanǵa aınal­dy­rýdy maqsat sanaıtyndyǵyn aıtyp qalǵan. О́t­ken jarty­jyl­dyqta mun­da qos birdeı iri qa­rany bor­da­qylaý alańy, qus fab­rıkasy, klasterlik sıpat­ta­ǵy sút óndirisi kásip­orny, kóp sala­ly eginshilik júıesi qamtamasyz etilip, onnan astam áleýmettik ny­san paıdalanýǵa berildi. Búgin aýdan ortalyǵynda 335 mıllıon teńgege salynǵan jańar­ty­l­ǵan astyq qa­byldaý pýnktiniń qatar­ǵa qosy­lýy isker basshynyń sóz údesinen shyǵa biletindigin kórsetedi. Kásiporyn basshylarynyń aı­týynsha, burynǵy jyldary aýy­sym ishinde nebary 300 tonna dán óńdelse, qazir saǵatyna 200 ton­na­lyq kórsetkishke qol jetkizýge múmkindik týǵan. Olar muny Ka­nadanyń álemge áıgili «Tvıster» fırmasynyń qýatty 10 qon­dyr­ǵy­synyń ornatylýymen baı­la­nys­tyrady. «Zerendi HPP» JShS sonymen qatar, bir mezette 14600 tonna astyqty saqtaı alady. Saltanat ústinde óńir basshy­sy S.Dıachenko táýelsizdigimizdiń 20 jyldyǵy merekesine oraılas­tyrylǵan sharalardyń aýqymyn­da Jarqaıyń aýdanynda týberkýlezge shaldyqqandardy medı­sı­nalyq-áleýmettik ońaltý orta­ly­ǵy, Sandyqtaý aýdanynyń Lesnoe aýylynda mektep jasyna deıingi balalardyń shaǵyn orta­lyǵy ashylatyndyǵyn habar­la­dy. Al 11 shilde kúni jurtshy­lyq Kókshetaýdaǵy «RAMADAN­PO» jaýapkershiligi shekteýli se­rik­testiginiń jańa un kesheniniń iske qosylýyna qutty bolsyn aıtpaq. Jalpy, astanalyq oblys El­ba­sy N. Nazarbaevtyń jospar­lan­ǵan barlyq tapsyrmalaryn ta­bysty oryndap otyrǵanyn atap ótý kerek. Máselen, ótken jyly údemeli ındýstrııalyq-ın­no­va­sııa­lyq damý baǵdarlama­sy­nyń sheń­be­rinde 15 joba iske asyrylyp, barlyq kásiporyndar toqtaýsyz jumys istep jatsa, bıyl «In­dýs­trııalandyrý karta­sy» boıynsha 16 kásiporyn boı tikteıdi. Sonyń ishinde, alǵashqy jartyjyldyqqa josparlanǵan 5 kásiporyn el ıgiligine qyzmet etýde. Oblystyń taza agrarlyq baǵyttan agrarlyq-ındýs­trııa­lyq áleýeti joǵary­la­ǵa­nyn osydan da baǵamdaýǵa bolady. Baqbergen AMALBEK, Aqmola oblysy.