Tól áskerimizdiń sapynda

Qorǵanys mınıstri Ádilbek Jaqsybekov Astana qalalyq «Aý­ǵanstan soǵysy ardagerleri men múgedekteri odaǵy» qoǵam­dyq birlestiginiń ókilderimen kezdesti. Kezdesý bary­syn­da birlesken is-sharalardy uıym­das­tyrý jáne ótkizý, jaýyn­ger­lik qımyl­dar júrgizýde táji­rı­besi bar jaýynger-ınterna­sıo­na­lısterdi áskerı qyzmetshi­lerdi oqytýǵa tartý máseleleri qarastyryldy. Bıylǵy jylǵy naýryz aıyn­da «Qazaqstan Respýblıka­sy Qarýly Kúshteriniń ardagerleri» qoǵamdyq birlestigi qurylyp, onyń tóraǵalyǵyna Halyq Qaharmany general-leıtenant Baqytjan Ertaev saılanǵan bolatyn. Quramyna jaýynger-ınternasıo­nalıs­ter kirgen uıymnyń bolashaǵy týraly aıtqan Baqytjan Ertaev qoǵamdyq birlestiktiń negizgi mindeti ardagerler men olardyń otbasy múshe­leri­niń múddesin qorǵaý, urpaqtar sabaqtastyǵyn qamtamasyz etip, aǵa býynnyń jaýyngerlik dástúri men tájirıbesin búgingi Otan qorǵaý­shy­laryna darytý ekenine toqtaldy. Oksana PARPÝRA. Sýretti túsirgen Denıs ANIKAEV.