Jaqsy daıyndyq jarysta kórinedi

Osy kúnderi Astanada hokkeıden Qazaqstan kýbogy jolyndaǵy jarystar ótýde. Oǵan «Arystan» (Temirtaý), «Al­maty» (Almaty), «Arlan» (Kók­shetaý), «Barys-2», «Astana» (ekeýi de Astana), Beıbarys» (Aty­raý), «Gornıak» (Rýdnyı), «Ertis-Pavlodar» (Pavlodar), «Qaz­sınk-Torpedo-2» (О́skemen), «Sa­ry­arqa» (Qaraǵandy) koman­da­lary qatysýda. Qazir komandalar eki-eki kezdesýden ótkizip úlgerdi. Osy oıyn­dardyń nátıjesine qarap, jarys­qa barlyq klýbtardyń joǵary daıyndyqpen kelgenderin kórýge bolady. Mysaly, týrnır­diń favorıti sanalatyn «Ba­rys-2» men «Qazsınk-Torpe­do-2», elimizdiń byl­tyrǵy chem­pıony «Beıbarys» «Arystan», «Arlan» komanda­lary­nan uty­lyp qaldy. Sóıtip, eki oıynnyń bireýinde jeńilýge májbúr bol­dy. «Qazsınk-Tor­pe­do-2» «Astanadan» 5:0, «Arlannan» 6:1 esebimen jeńilse, «Ba­rys-2» «Arys­tannan» 5:1, Beıba­rys» «Barys-2»-den dál osyndaı eseppen ese jiberdi. Utylǵan komandalar endi basqa qarsylas­taryn jeńbese, kýbok úshin ta­lasýlary óte qıynǵa túsedi. Al «Astana», «Saryarqa», «Ertis-Pavlodar» sııaqty klýbtar kerisinshe, jarysty jaqsy bastady. Bıyl jańadan qurylǵan «Astana» komandasy óskemendik klýbty 5:0 esebimen jeńse, kelesi oıynda Rýdnyıdyń «Gornıak» ujymyn 4:1 esebimen utty. Ázirshe «Gornıak­tyń» joly bolyńqyramaı tur. Olar ekinshi matchynda da «Sary­arqadan» 5:3 esebimen jeńildi. Qa­ra­ǵandylyq komanda bolsa, al­ǵashqy kezdesýinde «Arlandy» 2:0 esebimen jeńgen bolatyn. Pavlo­darlyq klýbtyń qazir baby men baǵy kelisip turǵandaı. Birinshi oıynda olar «Almatyny» 4:3, ekin­shi matchynda «Arystandy» 4:2 esebimen utty. Endi «Ertis-Pavlodar» «Barys-2» koman­da­symen oıynǵa daıyndalýda. Osy oıyndardan keıin «Astana» klýby 6 upaımen A tobynyń týrnır kestesin bastap keledi. Ekinshi oryndy «Sary­arqa», úshinshi oryndy «Arlan» ıelenip otyr. «Astana» koman­dasynyń bas bapkeri Vladımır Belıaevtiń aıtýynsha, bıyl ký­bok­ty jeńip alýǵa olar qoldan kelgen múmkindiktiń bárin ja­saıdy. Kýbogtyń jeńimpazy 27 ta­myz kúni anyqtalady. Osy kúni «Qazaqstan» sport sara­ıyn­da fınaldyq oıyn ótedi. Dastan KENJALIN.