Elbasy Nursultan Nazarbaev 25 jyldyń bederindegi basty jetistikterimizdi saralaı kelip: «Bizdiń halqymyz eshqashan búgingideı baqýatty turmys keship kórgen joq. Táýelsizdik alǵannan beri 1300-den astam densaýlyq saqtaý nysany men 1700-den astam bilim berý oshaǵyn saldyq. Olardyń barlyǵyn eń sońǵy úlgidegi quraldarmen jabdyqtadyq. Asa kúrdeli operasııalardy óz elimizde óz dárigerlerimiz jasaıtyn jaǵdaıǵa jettik. Jalpy, halyqtyń turmysy, densaýlyǵy túzelýiniń, sanynyń ósýiniń nátıjesinde qazaqstandyqtardyń ortasha ómir uzaqtyǵy 72 jasqa jýyqtady», – degen edi.
Shynynda da bizdiń elimiz densaýlyq saqtaý salasynda kóptegen tabystarǵa qol jetkizdi. Eń bastysy, jurttyń óz densaýlyǵyna degen jaýapkershiligi kúsheıip keledi. Bul baǵytta Ulttyq skrınıngtik baǵdarlamasynyń róli erekshe ekeni anyq.
Jýaly aýdanynda osy baǵdarlamany iske asyrý barysynda 18 051 adam skrınıngtik tekserýden ótti. Turǵyndardyń arasynan 294 aýrý jaǵdaılary anyqtaldy, onyӊ ishinde 162 qan aınalymy júıesi aýrýlary, 112 jatyr moıny obyry, 28 sút bezi obyry, 10 qant dıabeti jáne 2 kolorektaldy obyr tekserilip, anyqtaldy. Mine, osydan-aq, sońǵy jyldary aýyl turǵyndarynyń densaýlyǵyn baqylaý máselesi erekshe nazarǵa alynǵanyn baıqaýǵa bolady.
Keshe ǵana Memleket basshysy Nursultan Nazarbaev Qazaqstan Respýblıkasy Táýelsizdiginiń 25 jyldyǵyna arnalǵan saltanatty jınalysta toqsanynshy jyldardyń basyndaǵy jáne búgingi medısınanyń arasy jer men kókteı ekenin aıta kelip: «Jańa emdeý ortalyqtarynan ózge, elimizde 49 jyljymaly medısınalyq keshen jumys isteıdi. Qazaqstan – medısınalyq týrızm eline aınaldy, bizge alys-jaqyn shetelderden naýqastar emdelýge keledi», dep aq halatty jandardy bir qanattandyryp tastaǵany anyq.
Shynynda halyqtyń densaýlyǵy – elimizdiń basty baılyǵy. Sondyqtan, aýdannyń densaýlyq saqtaý salasynyń qyzmetkerleri aldaǵy ýaqytta da naýqastardyń ómirin qutqarýǵa bar kúsh-jigeri men kásibı biliktiligin jumsaıtyn bolady dep sendire alamyz.
Batıhan ALPYSBAI,
Jýaly aýdandyq ortalyq aýrýhanasynyń bas dárigeri
Jambyl oblysy