Joǵarǵy sot jumysyn qorytyndylady

Joǵarǵy sot tóraǵasy Qaırat Mámı sot júıesiniń 2016 jylǵy jumysynyń qorytyndysyn shyǵardy, dep habarlady Joǵarǵy sottyń baspasóz qyzmeti. Q.Mámı 2016 jyl sot júıesi úshin óte tabysty bol­ǵanyn atap ótti. Qazaqstan Táýel­siz­di­giniń 25 jyldyq mereıtoıy sheńberindegi sottardyń jetistikteri týraly aıta kele, ol Ult josparynda kózdelgen barlyq uıymdastyrýshylyq jáne quqyqtyq is-sharalardyń oryndalǵanyna taǵy bir márte nazar aýdardy. Osylaısha, zań men quqyq ústemdigi qaǵıdatyn is júzinde neǵurlym júıeli oryndaý turǵysynan sot júıesi men zańnamany reformalaý múmkin boldy. Osy oraıda Q.Mámı: «Bul jumystar sot tóreligin júze­ge asyrýdyń sandyq jáne sa­palyq kórsetkishterine, halyqaralyq reıtıngtegi sot júıesiniń ornyna jáne, eń bas­tysy, azamattar quqyqtarynyń sotta qorǵalýynyń jaı-kúıi men deńgeıine jaǵymdy áser etti», – dedi. Ol Joǵarǵy sottyń jalpy otyrysynyń bıylǵy jylǵy jumysy nátıjeli bolǵanyn atap ótti. Barlyǵy 15 otyrys ótti. Sot júıesi týraly Konstıtýsııalyq zańda kózdelgen jalpy otyrys­tyń barlyq quzyreti, sonyń ishinde tóralqany, Sot jıýrıiniń quramyn, Halyqaralyq keńesti, Ǵylymı-konsýltatıvtik keńesti qurý, olardyń qyzmetiniń qu­qyq­tyq bazasyn qabyldaý men jańartý boıynsha qyzmeti iske asyryldy. Osy jyly alǵash ret sýdıalar oblystyq sottyń sýdıasy laýazymyn ıelený tur­ǵysyndaǵy usynymdar máselesi boıynsha oblystyq sottardyń (Pavlodar jáne Qostanaı) jalpy otyrystarynyń qorytyn­dylaryna shaǵym túsirdi. Norma shyǵarmashylyq salada da eleýli jetistikterge qol jetkizildi. Sot praktıkasyn jetildirý jáne onyń birkelkili­gin qamtamasyz etý maqsatynda 2016 jyly sot praktıkasy­nyń kóptegen ózekti máseleleri boıynsha 16 normatıvtik qaýly qa­byldandy (salystyrý úshin aıtsaq, ótken jyly 8 normatıvtik qaýly qabyldandy). Joǵarǵy sot tóraǵasy: «Bul jetistiktiń barlyǵy jaqsy, biraq biz osymen toqtap qal­maýy­myz kerek. Bizdi alda kúr­deli jumystar men jańa min­­det­­ter kútip tur», deı kele, múm­kindikti paıdalanyp, otyrysqa qatysýshylardy aldaǵy Jańa jylmen quttyqtady.