Astana qalasynyń ákimdigi men qalalyq Tilderdi damytý basqarmasynyń uıymdastyrýymen elordada kóptegen mádenı is-sharalar ótip keledi. El qorǵaǵan batyrlarymyz ben halyqtyń rýhanı baılyǵyn arttyrǵan aqyndarǵa ornatylǵan eskertkishter janynda basqosýlar ótkizý dástúrge aınaldy.
Sondaı el birligin nyǵaıtýǵa arnalǵan jáne jastardyń Otanǵa degen patrıottyq sezimin arttyrýǵa baǵyttalǵan mádenı shara Astanadaǵy Baýyrjan Momyshuly eskertkishiniń janynda da boldy.
Osy basqosýǵa jınalǵan zııaly qaýym ókilderi Baýyrjan Momyshulynyń eskertkishine gúl shoqtaryn qoıyp, rýhyna taǵzym etti.
Alǵashqy sóz kezegin alǵan Halyq Qaharmany, general, Aýǵan soǵysynyń ardageri Baqytjan Ertaev qazaq halqynyń dańqty batyry Baýyrjan Momyshuly týraly oılaryn ortaǵa saldy.
Ekonomıka ǵylymdarynyń doktory, professor Saılaý Batyrshauly da Baýkeńniń Otanǵa degen súıispenshiligi árbir isi men qadamynan aıqyn kórinetinin tilge tıek ete kele, batyrdyń qıyn zamannyń ózinde ata-tegin durys jazyp, sol úshin kúresip ótken adam ekenin aıtty.
Bul sharany uıymdastyrýǵa qaladaǵy №53 mekteptiń ujymy atsalysyp, oqýshylar Baýyrjan Momyshulyna arnalǵan qazaq aqyndarynyń óleńderin jatqa oqyp berdi.
«Egemen-aqparat».