Baǵdarlama baıandy bolady

Elimizde jumyssyzdyqty joıý­dyń túrli joldary qarasty­ry­lýda. Elba­sy Nursultan Nazarbaev «Bolashaq­tyń irgesin birge qa­laımyz» atty Qa­zaqstan halqyna bıylǵy Jol­daýyn­da jergilikti bılik aldyna eńbek ryno­gynyń tıimdiligin arttyrý, az qam­tyl­­ǵan­dardy, jumyssyzdardy jáne ózin ózi jumyspen qamtamasyz etip otyrǵandardy ónimdi eńbek­ke tartý mindetin qoıdy. Ásirese, aýyl jasta­rynyń jumyssyzdy­ǵy alańdatady. Kásibı bilim al­maǵandyqtan aýyl jastary eńbek rynogynda básekege qabiletsiz bolyp qalýda. Az qamtyl­ǵandar­dy áleýmettik qoldaýdyń yq­pal­­dy sharalary da jetkilikti paı­da­lanylmaı otyr. Munyń ózi jumys­syzdyq deńgeıin kemitý qarqynyn baıaýlatýda. Resmı derekterge súıensek, oblysta kedeı­­­shilik deńgeıi – 3,1, al jumys­syzdyq 5,0 paıyzdy quraıdy. Bul elimizdiń ózge óńirlerimen salys­tyrǵanda jaman kórsetkish emes. Alaıda, bul kórsetkish­terdiń deń­geıin meılinshe tómen­detý baǵytyn­daǵy jumystardyń qarqynyn báseń­sitýge bolmaıdy. Elbasynyń tikeleı tapsyrmasy­men daıyndalǵan «Ju­mys­pen qamtý-2020» baǵdarlamasy osy bir kúrmeýi qıyn kúrdeli máse­leni oń sheshýge baǵyttalǵan. Son­dyqtan da bul baǵdarlama halyqtyń keń qoldaýyna ıe bolyp otyr. Eńbek rynogyndaǵy ózekti má­selelerdi sheship, jumyssyz­dyqpen kúreske serpin beretin jańa baǵdar­lamany júzege asyrý óńirde jos­parly júrgizilýde. Oblys ortaly­ǵynda jáne aýdandarda jumyspen qamtý ortalyǵy qurylyp, ǵımarat­pen qamtama­syz etildi. Ústimizdegi jyly baǵ­dar­lamanyń úsh baǵyty boıynsha oǵan 5564 óz betinshe ju­myspen aınalysýshylardy, jumys­syz­dardy jáne tabysy az adam­dardy tartý kózdeldi. Baǵdarla­ma­nyń «Oqy­tý jáne eńbekke ornalasýǵa yqpal etý» baǵyty boıynsha 3200 adamdy jumysqa ornalas­tyrýǵa yqpal etý jos­parlanǵan. Iаǵnı, 1200 adam áleý­mettik ju­mys­tarǵa tartylady, 1890 adam­ǵa kásiptik bilim beriledi. Qazirgi tańda qadrlardy qaıta daıarlaý uıym­dastyrylatyn teh­nı­kalyq jáne ká­siptik bilim beretin oqý oryndary kelisildi, suranysqa ıe 29 mamandyq anyq­taldy. Memlekettik tapsyrys aıasynda olar 12 mamandyq boıyn­sha oqytylaýda. Qazirgi tańda 919 adam eńbekaqylary ishinara sýb­sııadııa­lanyp eńbekke ornalasty. Olardyń ortasha eńbekaqysy 41 myń teńgeni quraıdy, 313 kásip­orynmen kelisim-shart jasaldy. 1567 adam kásibı bilim alýǵa oqytylýda. Olardyń 70 paıyzy aýyl jastary. Baǵdarlamanyń ekinshi baǵy­ty boıynsha aýyldaǵy kásipker­likti da­mytýǵa kómektesý aıasyn­da 120 adam­ǵa óz isin ashý úshin 1 mln. teńgeden barlyǵy 120 mıllıon teńge kóle­minde shaǵyn nesıe bólindi. Olarǵa ınfraqury­lymdy damytýǵa 60,0 mıllıon teńge qaraldy. Oblystyq ákimdik 352 adamdy kásipkerlik negizderine oqytýdy josparlap otyr. Qyzmet kórsetýshi «Bıznes-Navıgator» JShS bekitilgen kestege sáıkes oqytýdy qazan aıynan bastap júrgizýde. Bul maqsatqa respýblıka­lyq bıýdjetten 14,3 mıllıon teńge bólindi. Al, úshinshi baǵyt boıynsha ekonomıkalyq áleýeti tómen eldi-mekenderden damý kórsetkishteri joǵa­ry aýdan­darǵa kóshýge 26 otbasy tilek bildirdi. Jalpy, baǵdarlamany iske asyrý úshin oblys boıynsha 446,5 mln. teńge kóleminde qarajat bólindi. Biz bul baǵdarlamanyń al­da­ǵy jyly da serpindiligin art­ty­rý úshin osy kezden bastap daıyn­­dyq jasa­dyq. Oblys áki­mi 2012 jyly jalpy somasy 1677,6 mıllıon teńge bolatyn bıýdjettik tapsyrysty bekitti. Baǵdar­lamaǵa aldaǵy jyly 3536 adam­dy tartý kózdelip otyr. Onyń 746,5 mıllıon teń­gesi 3155 adamdy kásiptik oqy­týǵa jáne eńbekke ornalas­ty­rýǵa, 206,3 mıllıon teńgesi 150 aýyldyqtyń óz isin damytýyna, al, 386,1 mıllıon teń­gesi 56 otbasynyń ju­mys oryndary bar aýyldarǵa qo­nys aýdarýyna jum­salatyn bo­lady. Jalpy, qanatqaqty baǵdar­lama jumys­syz­dyqpen kúres­te, eńbek ryno­gyn nyǵaıtýda tıimdiligin kórsetti. Serik ORYNBAEV, Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasynyń bastyǵy.