Táýelsizdigimizdiń 20 jyldyǵymen qatar kelip otyrǵan Jambyl-Jańatas qatynasyndaǵy qala mańyndaǵy poıyzdyń ashylýyna qomaqty úles qosqany úshin Jambyl oblysynyń ákimi Qanat Aldabergenuly Bozymbaevqa óz atymnan jáne bizdiń aımaqtyń kóptegen qarapaıym turǵyndarynan sheksiz alǵysymyzdy bildiremiz. Osy marshrýt bizdiń qarapaıym turǵyndar úshin oblys ortalyǵyna qajetti azyq-túlikterdi satyp alýyna, medısınalyq mekemelerge, jumysqa, oqýǵa baryp kelýine múmkindigin tıgizdi. Eń bastysy, jol júrý bıletiniń quny halyqtyń ál-aýqaty tómen dárejedegi bóligine, stýdentter úshin qoljetimdi jáne demalys kúnderi qatynaıtyny yńǵaıly. Sonymen qatar, vagon ishindegi tazalyq jáne qyzmet kórsetýshi ujymnyń sypaıylyǵy, ádeptiligi de maqtaýǵa turarlyq ekenin atap aıtqym keledi. Aldaǵy ýaqytta aımaǵymyzdyń basqa da temir jol baǵyttaryna jańa poıyzdar júretinine biz senimdimiz.
Alııa TURSYNBAEVA.