О́nim almasý múmkindigi

Taıaýda oblys ortalyǵynda eli­mizdiń jáne reseılik kompanııa­lar­dyń qa­tysýymen «Qazaqstan-Si­bir- 2011» halyqaralyq kórmesi ót­ti. Kór­­meniń ótýine oblys ákim­di­gi, ındýstrııa jáne jańa tehnologııalar mınıstrligi qoldaý kórsetti. Kórmege Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev, elimizdegi Reseı elshiliginiń keńesshisi Sergeı Annenkov qatysty. Kórmede eki el kásiporyndary shyǵarǵan qazirgi damý kezeńderin qamtıtyn joǵary tehnologııa­lyq ónimder usynyldy. Bul mańyzdy sharanyń eki eldiń saýda-ekono­mı­kalyq baılanystaryn nyǵaıtýda alatyn orny zor. Ásirese, bul Pav­lodar sııaqty shekaralyq ob­lys úshin kásiporyndardyń birlesip jumys jasaýy úshin barlyq jaǵynan tıimdi bolyp tabylady. Kásiporyndar basshylary kór­me ótkizý arqyly óndiris salasyn damytýǵa oraı ózara tájirıbe almasýǵa múmkindik aldy. Osy is-shara sheńberinde ótken dóńgelek ústelde Premer-Mınıstrdiń or­yn­basary – Indýstrııa jáne jańa tehnologııalar mınıstri Áset Isekeshev kórshi elden tartylǵan ınvestısııalar jaıyna toqtaldy. Keden odaǵynyń qurylýy eki eldiń qaı salada bolmasyn qa­rym-qatynasyn arttyra túsken. О́tken jyly aradaǵy taýar aına­lymy 28 paıyzǵa ósken kórinedi. Mu­nyń ishinde jalpy, taýar almasý kórsetkishteriniń teń jar­ty­sy shek­ara mańyndaǵy óńirlerge tıesili bolyp otyr. Jyl sońyna deıin eki el arasyndaǵy taýar aı­nalymy 20 mlrd. dollardy qura­maqshy. So­ny­men qatar, Ertis óze­ni boıy­ndaǵy ózen portyn da­my­tý men shekaraǵa taıaý ornalas­qan qazaq­standyq jáne reseılik aımaq­tar­ǵa áýe baılanysyn ornatý jónin­de oblys ákimi Baqytjan Sa­ǵyn­taev usynys jasady. Kór­me ba­rysynda Ekibastuz kómirin Altaı ólkesine jetkizý týraly másele de óz sheshimin tapty. Farıda BYQAI. Pavlodar oblysy.