Otyrysqa usynystar qaraldy

Keshe Parlament Senatynyń Tóraǵasy Qaırat Mámıdiń tóraǵalyq etýimen bolǵan palata bıýrosynyń otyrysynda Senattyń bıylǵy 3 qarashada bolatyn kezekti otyrysynyń kún tártibi boıynsha usynystar qaraldy, dep habarlady osy palatanyń baspasóz qyzmeti. Atap aıtqanda, «Qazaqstan Res­pýblıkasynyń Ulttyq qo­ry­nan 2012-2014 jyldarǵa ar­nal­ǵan kepildendirilgen transfert týraly» jáne «2012-2014 jyl­darǵa arnalǵan respýb­lı­kalyq bıýdjet týraly» zań jo­balaryn talqylaý josparlanyp otyr. Depýtattar talqysyna «Qa­zaq­stan Respýblıkasynyń keıbir zańnamalyq aktilerine memlekettik áleýmettik tapsyrys máse­le­leri boıynsha ózgerister men tolyqtyrýlar engizý tý­raly» zań jobasy da usy­nylady. Otyrysta depýtattar «Neke (erli-zaıyptylyq) jáne otbasy týraly» kodekstiń jobasy boı­yn­sha Parlament Senaty men Májilisi arasyndaǵy kelisý ko­mıs­sııasynyń quramyna óz árip­testerin saılaıdy.