Bul týraly óńirlik kommýnıkasııalar brıfınginde dene shynyqtyrý jáne sport basqarmasynyń basshysy Rýslan Esenálın málimdedi.
О́ńirdegi tuńǵysh sport kolledji qazirgi kúni jumys istep turǵan oblystyq sportqa daryndy balalarǵa arnalǵan mektep-ınternet bazasy negizinde qurylyp, 2019-2020 oqý jylynda boı kóteredi.
Joba memlekettik-jekemenshik áriptestik aıasynda júzege asyrylady. 150 stýdentke arnalyp, 250 oryndy jataqhana salynady. Orta arnaýly oqý ornyn ashý týraly qujattamalar tolyq ázir.
«Oblysta sport jaqsy damyp keledi. 120 myńǵa jýyq turǵyn deneshynyqtyrýmen júıeli aınalysady. 356 jerlesimiz el komandalary quramynda halyqaralyq, respýblıkalyq jarystarda olja salyp Aldymyzda sańlaq sportshylardyń laıyqty izbasarlaryn daıyndaý mindeti tur», deıdi dene shynyqtyrý jáne sport vedomostvosynyń jetekshisi R. Esenálın.
Búginde sportqa daryndy balalarǵa arnalǵan mektep-ınternatta oqýshylar 7 men 11 synyp aralyǵynda oqıdy.
О́mir Esqalı,
«Egemen Qazaqstan».
Soltústik Qazaqstan oblysy.