Mańǵystaý oblysynyń ákimi Eraly Toǵjanovtyń tóraǵalyǵymen apparattyq jıyn ótti.Kezdesý barysynda qaralǵan máseleniń biri - Orman jáne dala órtteriniń aldyn alý jáne olardy joıýǵa daıarlyq týraly boldy.
Atalǵan másele boıynsha tótenshe jaǵdaılar jónindegi departamentiniń bastyǵy Qýanar Bazarbaev baıandady.
2018 jyldyń sáýir aıynda Mańǵystaý oblysynyń aýmaǵynda 77 órt tirkelip materıaldyq zalal 17 mıllıon 300 myń teńgeni qurady. Sondaı-aq, «Qazgıdromet» RMK shilde men tamyz aılarynda óńirde aýa temperatýrasy 45S-qa deıin kóteriledi jáne jaýyn-shashynnyń defısıti bolady dep boljaýda. Osyǵan baılanysty 290 shaqyrym uzyndyqtaǵy mıneraldy jolaqtarǵa ormandaǵy órt qaýipsizdigi boıynsha 77 beket ornatyldy.
-Aǵymdaǵy kezeńde Saı-О́testi qosa alǵanda 4 órt sóndirýshi beket úshin tehnıkalyq qyzmet kórsetýge 17,6 mln teńge qarajat qajet. Budan basqa, jerdi qashyqtyqtan zondtaýdyń ǵaryshtyq monıtorıngi qajet. Ǵaryshtan alynǵan sýretter olardyń damýynyń bastapqy kezeńinde tabıǵı órtterge jyldam áreket etýge múmkindik beredi. Osy maqsattarǵa jyl saıyn 4 mln teńge qajet, dedi Mańǵystaý oblysy boıynsha Tótenshe jaǵdaılar jónindegi departamentiniń basshysy polısııa polkovnıgi Qýanar Bazarbaev.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy