Baıan-О́lgeı aımaǵy sý tasqynynan zardap shekti

Nóser jańbyr shildeniń 14-inen bastap jaýǵan. Jańbyr saldarynan alǵashqy kúni 275 úı men qo­ra-qopsy sý astynda qalsa, 16 shilde kúngi jań­byrdan soń sý basqan úıler sany 530-ǵa jet­ti. Mońǵolııanyń MONSAME agent­ti­gi ta­ratqan derekterge qaraǵanda, ta­bı­ǵı apat ke­zinde 170 adamǵa medısınalyq kó­mek kór­se­tilgen. Qazirgi tańda aımaq basshy­la­ry, aımaqtyń tótenshe jaǵdaılar jó­nin­de­gi qyz­me­tiniń mamandary, memlekettik meke­melerdiń qyz­metkerleri taýdan keletin tas­qyndy Qobda ózeniniń arnasyna qaraı burý sha­ralaryn uıymdastyryp, kúni-túni ke­zek­shilikte tur. Meteorologııa qyzmetiniń ma­­mandary nó­ser jańbyr atalǵan aımaqta shil­deniń 21-ine deı­in qaıtalanýy múmkin eken­digin habarlaýda. Bul óz kezeginde óńirde sel qaýpin kúsheıtip, apat shyǵyndaryn molaı­typ jiberýi múmkin. Qa­zirgi kezde qalada 100-ge jýyq tehnıka apat zardabyn joıýmen aı­­nalysyp jatyr.

О́lgeı qalasynyń keıbir aýdandaryn 2016 jy­ly da sý shaıyp, tasqynnyń saldarynan bir bala kóz jumǵan bolatyn. Sol jyly Qazaqstan Úkimeti sel júrgen Baıan-О́lgeı aımaǵyna 200 myń AQSh dollary kóleminde gýmanıtarlyq kómek bergen edi. Al qazaqstandyq belsendi azamattar 2,5 mln teńge, Ońtústik Qazaqstan oblysynyń kásipkerleri men qoǵamdyq uıym­dary 3 mln teńge qarjylaı kómek kórsetken-di. Sonymen qatar qazaqstandyqtar tabıǵat apa­tynan zardap shekken qandastarǵa kıim-ke­shek pen kerek-jaraq jetkizip bergen bolat­yn. Bı­yl da qaıyrymdylyq sharalaryn uı­ym­das­ty­ryp, basyna is túsken baýyrlarǵa jár­dem uı­ymdastyrýdy bastap ketken azamattar bar.