Quqyqtyq máseleler talqylandy

Qazaqstandaǵy saıası partııalardyń ońtústiktegi fılıaldarynyń birazyna qońyraý shalǵanbyz. Saı­laý­aldy úgit-nasıhat ju­mys­taryna ár qıly kirisip jatyr.  Aýdan, aýylda­r­da­ǵy jaqtastarynyń tizimin áli tolyq alyp úlger­me­gen­deri de bar. Astana, Al­matydan keletin serkelerin kútip, áliptiń artyn baǵyp otyrǵandary da barshylyq. Olarǵa qaraǵanda “Ádi­let” demokratııalyq par­tııa­sy atqa jeńil bolyp tur­ǵan syńaıly. Qysqa mer­zimde ońtústiktiń shy­ǵy­sy men batysyn kókteı ótip, jaqtastarymen birneshe kezdesý ótkizgen par­tııa­nyń serkesi Maqsut Ná­rik­baev teriskeıge, ıaǵnı So­zaq aýdanyna attanǵanda, Mu­saǵalı Dýanbekov basta­ǵan belsendileri Shymkent­te­gi “Otyrar” telearnasy­nyń baspasóz ortalyǵynda jurtshylyqpen kezdesý ót­kiz­di. Jıynǵa atajurtqa oral­­ǵan qandastarymyz oda­ǵy­nyń tóraǵasy Artyqbaı Úki­­baev jáne táýelsiz kásip­odaq odaǵynyń ókilderi qa­ty­syp otyrdy. “Ádilet” de­mo­kra­tııa­lyq partııasynyń saı­laý­aldy tuǵyrnamasy to­lyq tarazylanǵannan keıin bas­qo­sý dóńgelek ústel jaǵ­daıy­na oıysty. El ishinde ádilettik tappaı júrgender kóp. Zań ta­laptaryn bilmeıtindikteri de oqys oqıǵaǵa uryndyryp, ókinishke ulasyp jatady. Keı rette osyǵan zań oryn­dary­nyń ózi jol berip jata­tyndyǵy da bar. Máselen, jeti jyl sýdıa bolyp qyz­met atqarǵan kelinshek osy qyzmetten joǵarydaǵy bas­shy­lardyń qylmysqa ıtermeleýinen ketkendigin aıtyp shaǵyndy. Suraqtar kóp qoıyldy. Jaýap berildi. Árıne, bir máseleni bir mezgilde sheshetin sıqyrshynyń taıaǵy eshkimde joq. Ol ertegilerde ǵana bolatynyn árkim-aq túsinedi. “Ádilet” partııasynyń OQO-daǵy fılıaly tór­aıy­mynyń orynbasary Saltanat Quttybaeva tolǵaqty má­selelerdi sheshýge ýaqyt kerektigin aıtady.

*  *  *

Búginde «Ádilet» de­mo­kratııalyq partııasyn qoldaý maqsatynda ózge óńirlerdegi jastar da aıanyp jatqan joq.  Keshe Astananyń sol jaǵalaýynda partııanyń «Ádil jastar» qanaty ókil­deri Qazaqstan Táýel­siz­diginiń 20 jyldyq me­reı­toıyna oraı arnaıy av­tosherý uıymdastyrdy. Bul sharaǵa 20-ǵa tarta avtokólik tartyldy. Avto­sherýdiń basty maqsaty – qoǵamnyń saılaýǵa degen nazaryn aýdartý, jastar belsendiligin arttyrý jáne aldaǵy saılaýda «Ádilet» demokratııalyq partııasy­na qoldaý kórsetý. Bul turǵyda ádilettik­ter­diń el Táýelsizdiginiń 20 jyldyǵyn saılaý úderis­te­rimen, onyń ishinde úgit-nasıhat jumystarymen baı­lanystyrýy kórer kóz­ge utymdylyǵymen erekshelengenin atap kórsetken jón. Bul arada negizgi ıdeıa el Táýelsizdigi bolmasa, derbes memleket retindegi demokratııaly jáne ashyq saılaý da bolmas edi degendi meńzedi. Baqtııar TAIJAN.