Qostanaı aýdanyndaǵy Mıchýrın selosynda «Balalar ýnıversıteti» ashyldy. Onda balalar aptasyna eki ret kelip, aǵylshyn tilin úırenedi. Til úırený sabaǵy negizinen oıyn túrinde júredi. 5 jastan 12 jasqa deıingi balalar jasyna qaraı úsh topqa bólingen.
«Birneshe muǵalimimiz bar, Izraıl-amerıkandyq baǵdarlamamen jumys isteıdi. Balalarǵa «sen qate aıttyń nemese durys aıttyń» degen baǵa qoıylmaıdy.Basty baǵyt – balany sóıletý, ol qate aıtsa da aıtty ǵoı. Eger bala qate aıtsa, durys aıtqan balaǵa qarap, qate jerin ózi túzeıdi, – deıdi Triera.kz kásipornynyń dırektory Igor Pırog.
Kásipker burynǵy qańqasy qalǵan ǵımaratty qaıta jóndep, kásiporynǵa keńse men balalarǵa arnalǵan «ýnıversıtetke» bólmeler jasapty. Balalarǵa arnalǵan úsh kabınet bar. Qazir mundaelý shaqty bala keledi, onyń ishinde aýylmen qatar qaladan qatynaıtyndar da bar.
«Osy selodaǵy áli kúnge qaraýsyz turǵan taǵy bir ǵımaratty arzan baǵamen satyp aldyq. Aldaǵy ýaqytta ony jóndep, zamanaýı bala baqsha jasaıyn dep otyrmyz. Onda da aǵylshyn jáne qazaq tilderin úıretetin osyndaı balalar ýnıversıteti bolady» deıdi Igor Nıkolaevıch.
Názıra JÁRIMBET,
«Egemen Qazaqstan»
Qostanaı