Fýtbol álemi de 2011 jyldy qorytyndylaýdy jalǵastyrýda. Ár el óziniń myqty aıaqtopshylaryn tańdaýda. Bizdiń elimizdiń de úzdigi anyqtaldy. Ol – Ulan Qonysbaev. Osy oraıda birneshe elderdiń úzdikteri jarııalandy.
Fýtbol álemi de 2011 jyldy qorytyndylaýdy jalǵastyrýda. Ár el óziniń myqty aıaqtopshylaryn tańdaýda. Bizdiń elimizdiń de úzdigi anyqtaldy. Ol – Ulan Qonysbaev. Osy oraıda birneshe elderdiń úzdikteri jarııalandy.
«Alaman» ulttyq sport portalynyń málimetine qaraǵanda, aǵylshyndyq «Manchester Sıtı» komandasynyń namysyn qorǵaıtyn Iаıa Týre 2011 jylǵy Afrıka qurlyǵynyń úzdik oıynshysy atandy. Kot-D-Ivýar quramasynyń jartylaı qorǵaýshysy bul ataqqa Gana astanasy Akkra qalasynda ótken saltanatty jıynda ıe boldy.
Sonymen, jyldyń úzdik bas bapkeri ataǵyn Nıgerııa quramasynyń jattyqtyratyn Harýna Doýla ıemdense, Botsvana quramasy eń úzdik komanda atandy.
О́zbekstan quramasynyń oıynshysy – Server Djeparov – Azııa qurlyǵynyń 2011 jylǵy eń úzdik oıynshysyna beriletin marapatqa ıe boldy. Osymen Server ekinshi márte Azııada úzdik dep tanylyp otyr. 29 jastaǵy jartylaı qorǵaýshy búginde Birikken Arab Ámirliginiń «Ál-Shabab» komandasynda óner kórsetedi.
Shotlandııalyq «Reındjers» sapynda óner kórsetetin Mett Makkeı Avstralııa qurlyǵynyń 2011 jylǵy úzdik oıynshysy atandy. Bul talasta 28 jasar jartylaı qorǵaýshy 329 upaımen «AZ» oıynshysy Bret Holmen (194 upaı), «Everton» jartylaı qorǵaýshysy Tım Keıhıldi (185) artqa tastaǵan.
“France Football” jýrnaly madrıdtik «Realdyń» ortalyq shabýylshysy Kárim Benzemany 2011 jylǵy úsh jolaqtylardyń úzdik oıynshysy dep tanydy. Tilshiler men fýtbol mamandarynyń daýys berý qorytyndysy boıynsha Kárim katalonııalyq «Barsanyń» qorǵaýshysy Erık Abıdaldan ozyp shyǵypty.
Týrındik «Iýventýs» komandasynyń ortalyq shabýylshysy Mırko Výchınıch Chernogorııanyń 2011 jylǵy eń úzdik oıynshy dep tanyldy.
Mıýnhendik «Bavarııanyń» senimin aqtap júrgen, jas jartylaı qorǵaýshy Davıd Alaba 2011 jylǵy Avstrııa eliniń myqty oıynshysy ataǵyna ıe boldy. Bul tartysta 19 jasar «Aýstrııa» oıynshysy Naser Barasıte jáne «Shtýtgart» shabýylshysy Martın Harnıkti artta qaldyrypty.
Italııalyq «Mılannyń» ortalyq shabýylshysy Zlatan Ibragımovıch altynshy ret Shvesııanyń úzdik oıynshysy atanyp, jańa rekordtyq kórsetkish kórsetti.
О́z kezeginde Shvesııa birinshiliginiń úzdik oıynshysy dep «Helsınborg» jartylaı qorǵaýshysy Meı Malangý tanylsa, úzdik legıoner ataǵyn «AIK» ortalyq qorǵaýshysy Aleksandr Mıloshevıch ıelendi.
Londondyq «Chelsı» komandasynyń baǵanasyn kúzetýshi Petr Cheh osymen altynshy márte Chehııanyń úzdik oıynshysy ataǵyna laıyq bolyp tabyldy.
Nıderlandynyń «PSV» ujymynyń jartylaı qorǵaýshysy Balosh Djýdjak Vengrııanyń úzdik oıynshysy atandy. Vengrııa fýtbol qaýymdastyǵynyń uıymdastyrýymen ótken daýys berý qorytyndysy boıynsha, Djýdjak 142 daýyspen «Fýlhem» jartylaı qorǵaýshysy Zoltan Gerany (88 daýys) artta qaldyrdy.
Dortmýndyq «Borýssııanyń» ortalyq shabýylshysy Robert Levandovskı Piłka Nożna jýrnaly jáne Polsha Fýtbol Federasııasynyń daýys berý qorytyndysy boıynsha 2011 jyldyń úzdik oıynshysy dep tanyldy. Al, «Jyl jańalyǵy» retinde «Arsenaldyń» jas qaqpashysy Voıseh Shesny ıemdendi, «Jyl komandasy» «Legııaǵa» buıyrdy, úzdik bapker ataǵyn Maseı Skorja ózimen alyp ketti.
QazAqparat