Almatyda Sport jáne dene shynyqtyrý isteri agenttiginińuıymdastyrýymen 2011 jyly sport salasyn damytýda elimizgeeńbek sińirgen bir top azamattardy marapattaýǵa arnalǵan dástúrlisport keshi ótti.
Oǵan agenttik tóraǵasynyń orynbasary Elsııar Qanaǵatov, Shtattaǵy ulttyq komandalar jáne sport rezervi dıreksııasynyń dırektory Qaıyrgeldi Janpeıisov, kórnekti qalamger Seıdahmet Berdiqulovtyń uly Zańǵar Berdiqulov, Qazaqstan Sport baspasózi qaýymdastyǵynyń prezıdenti, belgili jazýshy, respýblıkalyq qazaq jáne orys tildi «Sport» jáne «Sport» gazetteriniń bas dırektory – bas redaktory Nesip Júnisbaev, halyqaralyq arenada elimizdiń namysyn qorǵap júrgen tanymal sportshylar men olardyń bapkerleri, sport federasııalarynyń basshylary men BAQ ókilderi qatysty.
Almatyda Sport jáne dene shynyqtyrý isteri agenttiginińuıymdastyrýymen 2011 jyly sport salasyn damytýda elimizgeeńbek sińirgen bir top azamattardy marapattaýǵa arnalǵan dástúrlisport keshi ótti.
Oǵan agenttik tóraǵasynyń orynbasary Elsııar Qanaǵatov, Shtattaǵy ulttyq komandalar jáne sport rezervi dıreksııasynyń dırektory Qaıyrgeldi Janpeıisov, kórnekti qalamger Seıdahmet Berdiqulovtyń uly Zańǵar Berdiqulov, Qazaqstan Sport baspasózi qaýymdastyǵynyń prezıdenti, belgili jazýshy, respýblıkalyq qazaq jáne orys tildi «Sport» jáne «Sport» gazetteriniń bas dırektory – bas redaktory Nesip Júnisbaev, halyqaralyq arenada elimizdiń namysyn qorǵap júrgen tanymal sportshylar men olardyń bapkerleri, sport federasııalarynyń basshylary men BAQ ókilderi qatysty.
Keshte áýeli Sport jáne dene shynyqtyrý isteri agenttiginiń tóraǵasy Talǵat Ermegııaevtiń quttyqtaý haty oqyldy. Osydan keıin qalyptasqan dástúr boıynsha ártúrli nomınasııalarda sportty damytýǵa qosqan úlesi úshin taǵaıyndalǵan syılyqtyń bir top ıegerlerin marapattaý rásimi ótti. Ony agenttik tóraǵasynyń orynbasary Elsııar Qanaǵatov bastaǵan bir top sport salasynyń basshylary júrgizdi. Marapattaý rásiminde Elsııar Baımuhambetuly sóz sóılep, sportshylardy ótken jylǵy tabystarymen quttyqtap, aldaǵy ýaqytta ótetin jarystarda qurmet tuǵyrynyń eń bıik satylarynan kórine berýlerine tilektestigin bildirdi.
Odan ári jeńimpaz atanǵan sportshylardy marapattaý rásimi ótip, munda áýeli «Jyldyń eń úzdik sportshysy» júldesiniń jeńimpazy men «Jyl sportshysy» nomınasııasynda júldeger atanǵan sportshylarǵa dıplom tabys etildi. Sóıtip, «Jyldyń eń úzdik sportshysy» ataǵyna aýyr atletıkadan úsh dúrkin álemniń chempıony Ilıa Ilın ıe boldy. Al «Jyl sportshysy» júldesimen myna sportshylar marapattaldy. Bul nomınasııada grek-rım kúresinen 2011 jylǵy álem chempıonatynyń kúmis júldegeri, 2010 jylǵy qola júldegeri Almat Kebisbaev (bapkeri – B.Qońyratov), bokstan eki dúrkin álem chempıony Serik Sápıev (bapkeri – A.Strelnıkov), Bakýde ótken álem chempıonatynyń kúmis júldegeri Ádilbek Nııazymbetov (bapkeri – M.Jaqıev), dzıýdodan 2009 jylǵy álem chempıony Maksım Rakov (bapkeri – T.Baısholaqov), sambodan tórt dúrkin álem chempıony Erbolat Baıbatyrov (bapkeri – M.Ońdaǵanov), aýyr atletıkadan álem chempıony Zúlfııa Chınshanlo (bapkeri – V. jáne A.Nı), 2009-2010 jyldardaǵy álem chempıony Svetlana Podobedova (bapkeri – A.Nı), jeńil atletıkadan 2010 jylǵy álem chempıony Olga Rypakova (bapkeri – S.Rypakov) men byltyrǵy jyly tuńǵysh ret tól kúresimizden ótken «Qazaqstan barysy» týrnıriniń jeńimpazy Ulan Rysqul (bapkeri – S.Mustafaev) «Jyl sportshysy» ataǵyn ıelendi.
Sondaı-aq, keshte shahmattan jasóspirimder arasynda tórt dúrkin álem chempıony atanǵan qarshadaı qyzymyz Jansaıa Ábdimálikke «Jyl jarqyly», al ótken jyly tuńǵysh ret álem chempıony tájin basyna ólshep kórgen taǵy bir balaýsa qyzymyz Bıbisara Asaýbaevaǵa «Jyl ashar» ataǵy berildi. Odan keıin aýyr atletıkadan, grek-rım kúresinen jáne bokstan Qazaqstan ulttyq quramasynyń bas bapkerleri Alekseı Nıge, Muratbek Qasymhanov pen Myrzaǵalı Aıtjanovqa «Jyldyń úzdik jattyqtyrýshysy» ataǵy tabys etildi.
Keshte elimizdiń eń úzdik sport jáne dene shynyqtyrý basqarmalary da marapattaldy. Munda úsh óńirdiń basqarmalary úzdik dep tanyldy. Olar – Almaty, Qaraǵandy jáne Qyzylorda oblystyq basqarmalary. Bul júldege M.Tursynbekov (Almaty oblysy), R.Qojabekov (Qaraǵandy oblysy) pen S.Mustafaev (Qyzylorda oblysy) ıe boldy. Sonymen birge, 2011 jylǵy eń úzdik sport federasııasy nomınasııasynda aýyr atletıka, boks jáne shahmat federasııalary dıplomdarmen marapattaldy.
Sport kesheninde múgedek sportshylardyń eńbegine baǵa berildi. Bul júlde eki qolynan aıyrylsa da, aıaǵymen júzip álem chempıony atanǵan Mıhaıl Eremenko men álem chempıony Syzdyq Dalıevke tapsyryldy. Osydan keıin sportshylardyń jarys jolyndaǵy jetistikterin alǵashqy bolyp jurtshylyqqa jetkizetin jýrnalısterdiń eńbegi de eskerýsiz qalmady. Osy baıqaýda «Egemen Qazaqstan» gazetiniń tilshisi Dastan Kenjalın, «Qazaqstan» ulttyq telearnasynyń jýrnalısi Dına Ysqaqova men «Astana Sport» jýrnalynyń sholýshysy Janar О́teshova 2011 jylǵy Seıdahmet Berdiqulov atyndaǵy syılyqtyń laýreaty atandy.
Osy kúni sport keshi Qazaqstan Sport baspasóz qaýymdastyǵynyń kezekti otyrysymen jalǵasty. Jıynda qaýymdastyq prezıdenti N.Júnisbaev jańadan qurylǵan uıymnyń jumysy, jaqynda ǵana Avstrııanyń Insbýrg qalasynda ótken Halyqaralyq sport baspasóz qaýymdastyǵynyń 75-shi kongresi týraly málimetter berdi. Odan keıin ol QSBQ-ny damytýdaǵy oılarmen bólisti.
Otyrysta kóterilgen taǵy bir másele – atqarýshy komıtettiń músheligine laıyqty jýrnalısterdi tańdaýǵa arnaldy. Qazir oǵan 29 sport sholýshysy múshe bolsa, aldaǵy ýaqytta árqaısysynyń eńbegine qaraı atqarýshy komıtettiń múshesi bolýǵa laıyqtylar ǵana tańdap alynatyny aıtyldy. Osydan keıin qaýymdastyq janynan ardagerler keńesin qurý máselesi sóz boldy. Bul keńestiń músheligine belgili qalamgerler Sultanǵalı Qarataev, Rabat Jánibekov pen Saıyn Tursynov saılandy. Olarǵa jıynda Qazaqstan sport baspasóz qaýymdastyǵynyń atynan syılyqtar tabys etildi.
Qanat ESKENDIR.
Almaty.
Sýretti túsirgen Iýrıı BEKKER.